人要惡過車！: 第二十七章

「無呀，返學啦。」我繼續笑。

「嗯，嘻嘻。」

今日屯門公路唔算多車，所以唔洗塞好耐，去到荃灣路近有線大樓對出，有架車喺後面來勢洶洶，原來係拖頭佬嚟，架雞乸拖頭拖住吉架，左插又插，但佢啲位又預準曬㗎喎，啱啱好唔會撞到其他車，過咗德士古道交滙處之後，佢一嘢喺快線抽過慢線，喺唔阻任何人嘅情況下落咗葵芳，睇嚟佢趕住過貨櫃碼頭。

之後阿堯部電話就響。

「喂，咁早打比我做咩？」





「⋯⋯」

「我坐緊阿僖車返學囉。」

「⋯⋯」

「好呀，一陣間見，bye」堯掛斷電話。

「Jenny話車埋佢喎。」堯說





「ok呀，佢喺邊？」

「美孚。」

「ok。」

咁葵涌道瑪嘉烈嗰例位捉超速就喺人都知，所以我都收返慢，過到荔橋美孚新村嗰位，成班傻仔比人截哂，落到去見Jenny已經等緊。

講返先，Jenny係堯嘅好姊妹，好似話係中學已經識㗎啦喎，咁我哋三個同系嘅，佢樣唔錯嘅，但一定唔夠堯靚。





「喂，唔好意思呀，阻住你兩公婆。」Jenny笑著説。

「屌，講哩啲。」我也笑著説。

之後我經饒宗頣文化館上返呈翔道，一上呈翔道就有人玩嘢，有架EP3衝上嚟閃鳩我燈。心諗又做乜撚？再睇睇，屌，原來又係啲柒頭MK仔，我打死火燈比佢過先，我再喺後面跟住佢，屌佢想放甩我但又踩唔過一百，我無嘢好講，直接爬鳩佢放佢星星算，之後佢想跟都跟唔到。咁返到學校泊低架車。

「堯，問我簽到先，我去買份早餐。」Jenny説。

「ok」堯答。

「一陣間放學去邊呀？」

「唔知呀」堯答。

「你諗下啦。」





迎接我嘅又係悶到抽筋嘅課堂。