人要惡過車！: 第三十二章

我過去搵班友，佢哋都喺度傾緊計。

「喂，傾緊咩？」

「你睇吓。」阿Ken遞咗阿皓部電話比我。

「咩嚟㗎？」我拎咗部電話嚟睇。

畫面係阿皓同佢阿叔嘅Whatsapp對話。





叔：「皓仔你咪想練好手車嘅，話啲嘢比你聽。」

皓：「係呀，有咩方法呀？」

叔：「最近屯門公路咪有部白色舊思域個司機手車唔錯嘅，我睇過吓其他車啲車Cam片，發現咗一樣嘢。」

皓：「乜嘢？」

叔：「喺我仲有飛吓車嗰陣，嗰陣屯門公路又係有架思域飛得好快，不過之後就無哂佢消息，而近排嗰架思域嗰啲走位同以前嗰架真係好似，你可以去屯公捕下佢，請佢指教吓。」





皓：「吓，咩人嚟㗎？」

叔：「如果係當年嗰個司機嘅話應該係個中年阿叔嚟。」

我睇完之後比返部電話阿皓。

「你點睇？」阿皓問我。

「有咩點睇？」





「揸白色思域㗎喎，H車撚你有無遇過？」阿皓追問。

「無喎，無乜點見過喎。」

「白色舊思域係咪就係你嚟㗎？」阿Ken問。

「周街都係白思域啦，何況你阿叔都話個司機係個中年阿叔嚟。」

「你啱，搵日捕下條友先。」阿皓話。

之後耀哥就打電話嚟。

耀：「喂，僖仔？」

我：「喂。」





耀：「僖仔你聽晚得唔得閒？」

我：「聽晚ok呀，有咩事？」

耀：「有新玩具呀，聽晚九點我車房等？」

我：「ok呀，聽晚見啦。」

我掛斷電話，返去同佢哋傾計。

「有女搵你？」阿Ken話。

「屌，收皮啦。」





「咁激動仲唔係？」阿威話。

「癡撚線廢事同你講。」我笑咗兩笑。

咁我哋都係吹住水，講吓啲無聊嘢，班女人又係癡線嘅，可以傾足幾粒鐘。咁過哂十二點先走，返到屋企阿爸阿媽都訓咗覺，咁我同阿堯都沖涼訓。

講明先，我哋係分開沖，千奇唔好誤會。