人要惡過車！: 第三十七章（06/07/2020 Updated Version）

我都好耐無揸過思域，個仔買架車返嚟之後我都未揸過。今次就試試佢。

講明先，我返工唔會亂飛，放工就後話啦。

我打電話比老婆，叫佢落樓。

「到咗，喺樓下。」

「依家落嚟。」





佢落到嚟，自動上我車。

「今日你做咩揸咗個仔架車？」一上車就問。

「佢話留返架7人車比佢。」

「哦。」

我先車咗老婆返工，自己先慢慢嚟。





講返先，架車就未係我以前嗰架咁癡線，但都有七、八成相似，揸上手真係有返曬嗰種感覺。

「我今晚同同事食飯。」老婆話。

「哦，咁洗唔洗車你？」

「食完飯再打比你啦。」

「哦。」





車咗老婆返工，我慢慢返工，途中打咗個電話。

「喂，老龍車神。」

「屌你啦，打嚟做咩呀。」

「搵你睇睇部車呀。」

「咁車房見囉今晚。」

咁過咗成日，終於收工啦，我直接出荃灣。

「你偷咗個後生仔車呀？」耀喺度笑。

「架車我嗰仔㗎。」





「你幾年前唔係賣咗㗎咩？你點留返俾佢？」

「唔知喎，佢又買返架車。」

「哦～我都估到僖仔係你個仔㗎啦。」

「你識佢㗎咩？」

「鬥過車，叫幾熟添。」

「佢啲走綫似足你咁亂嚟，佢擺明睇得你多啦。」

「一定係咁啦。」





「點呀，架車做咩呀？」

「搵你做下啲保養啫。」

「早排我先執完嚟。」

「吓，架車未到最快㗎喎。」

「我都無改爆佢。」

「咁依家幫手推高500轉先截油啦。」

「咁容易啦。」

之後都係吹吓水，傾傾部車，講吓個仔。





「喂下次見啦，我去車老婆呀。」

「喂好啦好啦。」

接咗老婆之後返屋企。

「喂你亂攪過個仔架車呀？」

「我無呀。」

「嘈過今朝嘅？」

「係咩？」





「係呀，同埋部車咁似你以前嗰架車嘅？」

「根本就係。」