人要惡過車！: 第四十三章

「起身啦。」

「咁早叫我做咩？今日唔係返十點半咩？」

「沖涼啦你，尋晚又唔沖。」

「哦。」

之後我就去沖涼，刷牙。





「着鞋啦，落街食早餐。」

我哋去屋企附近間茶記。

「幾位」

「兩個。」

「哩邊。」





朝頭早茶記坐滿食客，結果我哋要搭枱，仲見到兩個熟悉嘅面孔。

「稀客喎。」一個女仔講。

「早晨呀哈哈。」另一個咬住麵包嘅女仔講。

「早晨，兩姊妹咁開心撐枱腳呀？」

介紹返先，第一個女仔叫嘉琪(家姐)，咬住包嗰個係嘉韾(細妹)，孖生姊妹嚟，高中三年同我同班，上堂成日同佢哋傾計過日晨。





「邊夠你開心呀，同女女食。」琪話。

「挑，講哩啲。」

「哈哈，唔係咩？」韾話。

「實係㗎。」

之後我就叫侍應落單。

「係喎，我都未知你女朋友叫咩名添。」琪話。

「佢係阿堯。」我介紹身邊嘅堯。

「Hello」堯微笑。





「Hi」兩姊妹異口同聲咁講。

之後佢哋三個喺度傾啲女人嘢，總之我就答唔到嗲啦。

「係喎，你哋兩個一陣有咩攪？返學？」

「唔係呀，去AppleStore整返塊ipad先，哩條友掉碎咗個mon。」

「Sor囉，哈」

「去邊間？九龍塘？」

「無所謂呀，做咩無啦啦對我哋咁。有興趣？」琪露出奸笑嘅表情。





「喂你唔好陷害我好嘛。本身好奇下㗎啫，依家順便睇吓洗唔洗車你哋，橫掂我返九龍塘。」

「好呀，好呀。」韾話。

咁揸車途中，佢哋三個繼續傾計，好似交換埋contact添。

出到去九龍塘，十點左右，我揸落又一城個上落客區。

「我哋走先啦，阿堯byebye。」

「Byebye」

之後上返去泊車，準備上堂。

喺我上堂hea嗰陣，收到個不知名是Whatsapp。





「今個禮拜六，夜晚11點，地點 你決定」(10:45)

「喂，應下機好喎。」(10:47)

我：「你邊位？」（11:00）

「咁快唔記得我？」（11:01）

「全黑MX5喎」（11:01）

我：「哦，十一點西貢等」（11:02）

「好，我等你。」(11:02)





我拍一拍堯。

「做咩呀？」

「上次個女人Whatsapp我。」

「咁又點？所以你嚟自首？」堯笑咗笑。

你叫我點應你⋯⋯？

「得啦，我信得過你啦，佢搵你做咩呀？」

「佢話星期六晚喺西貢等。」

「哦～我同你一齊去啦。」

「嗯。」