人要惡過車！: 第四十七章

朗豪坊上返西九龍走廊，葵涌道，荃灣路，啱啱好九點鐘去到車房。

「嚟到啦？」

「Hi」我同堯話。

「阿妹都嚟咗呀，入去冷氣房涼陣冷氣先，我同僖仔傾陣計。」

堯行咗去入面，淨低我同耀哥。





「今次有咩平靚正嘅車先？」

「跟我嚟啦。」

我跟住耀哥行入去，行到入去，我嚇咗嚇。

「唔好玩啦耀哥，架車點會平呀？」

「你話架RR？架車有人買咗啦，再隔離嗰架先係。」





耀哥指一指Mugen RR隔離，泊咗架全原裝白色FD2。

「普通版都唔會平得去邊啦掛？」

「唔係喎，架車收返嚟真係好平喎，差唔多十幾萬啦。」

「我無啦啦邊度搵十幾萬呀。」我笑咗笑。

「分期囉，我信得過你。架車執到靚仔曬㗎啦，你坐上車就揸得。」耀哥都喺度笑。





「我睇吓點先啦。」

「好呀，我等你。」

之後我同堯揸車返歸。

「阿B幫我打個電話比阿爸呀唔該。」

「ok」

我遞咗個電話比堯。

「喂，Uncle？我哋就嚟返到嚟。」

「⋯⋯」





「好啦，bye bye。」

返到屋企樓下，阿爸已經喺樓下等緊。

「嗱，揸完泊返喺度啦。」我話。

「唔好走住。」

「做咩？」

「阿女你返屋企先啦。」

「好啦，早抖Uncle。」





「乖。」阿爸笑。「上車啦仔。」

「哦。」

今次我坐乘客位，阿爸揸車。

「去邊呀？眼瞓呀。」

「瞓陣先啦你，一陣叫醒你。」

成程車我就喺度瞓。

「喂，起身啦。」

「到啦，做咩又出返嚟？」我好奇自己做咩又返嚟車房。





「僖仔咁快諗好啦。」耀哥又笑。

「車神我架車check好咗啦？」

「攪掂啦。」

我跟住佢兩個入車房，之後阿爸拎咗條車匙，行埋架RR度。

「架車係咪好靚呢？」阿爸問我。

「靚又點？架車又唔係你嘅。」

「唔係呀，架車我尋日買嘅，放咗喺度check。」





「乜嘢呀，你講笑喳嘛？」

「呃你做咩？」

「咁架Freed呢？」

「賣咗啦。」

「乜春嘢呀？」

「隔離嗰架都係我嘅，送比你揸。」

「乜嘢呀？阿媽知㗎啦？」

「理得佢呀。」阿爸喺度笑。

「咁我架舊車點呀？」

「擺你阿嫲度囉，佢嗰度有位。」

「你無啦啦邊度搵咁多錢買兩架車？」

「你理得我啫。」

「嗱，車匙。」耀哥遞條匙比我。

「吓？真心咩？」

「係。」

「喂，耀仔我哋走先啦，禮拜日飲茶。」

「你請呀。」

「得啦。」阿爸揸咗架RR出馬路，而我上返架EK。

「架車我聽日嚟拎。」

「好呀。」耀哥話。

我跟住架RR上公路，眨下眼已經比架RR拋離幾十米，再之後直頭唔見埋。

返到屋企，阿爸已經泊好車等我。

「渣㗎。」

「揸咁快我跟條毛？」

返到屋企，沖涼瞓，好彩聽日返一點半。