人要惡過車！: 第五十九章

正當我星期六想瞓耐啲嗰陣⋯⋯

「⋯⋯」做乜瞓瞓吓個身好似有嘢壓落嚟咁嘅？

「頂。」我終於頂唔順張開眼睛。

「起身啦～」

「比我瞓多陣。」



「唔制，即刻起身。」

咁早叫我起身做乜撚，好攰呀。

個心雖然咁諗，但我都係乖乖地起身刷洗。

「咁早叫我起身有咩緊要事？」

「上次咪應丞咗同蕎蕎去迪士尼囉，咁快唔記得啦咩？」



乜有啲咁嘅事咩？是但啦，去玩下都好嘅。

揸車去到蕎蕎屋企樓下，堯嘅舅父拖住蕎蕎等緊。

「堯姐姐，僖仔。」

「蕎蕎Hello。」

「咁我交佢比你哋啦。」



「好啦，舅父你同舅母去玩啦。」

我哋沿大欖隧道、汀九橋、青馬大橋嚟到迪士尼樂園。

蕎蕎行喺我同堯中間，拖住我哋兩個。

「蕎蕎想玩咩呀？」堯蹲下身問。

「我想去玩彈弓狗。」

我哋玩足成日，臨走之前，我哋遇到一個着公主服嘅工作人員，蕎蕎即刻拉住我哋去影相。

影完相，我望住堯微笑一下。

「做咩無啦啦笑嘅？」



「無呀，公主～」

堯嘅面即刻紅起嚟。

「咁你係咩呀？」

「一睇就知我係兵仔啦，哈哈～」我講完自己都喺度笑。

「行啦兵仔。」

送完蕎蕎返屋企，我哋返屋企。

今日係開心嘅。