讀足六年，比人蝦足六年: 11.體育堂

11.體育堂

   你地知唔知我呢類邊緣毒L最驚係咩啊？

   係分組啊！屌你奶！

   點解？

   因為永遠都唔會有人願意同我地呢d又邊緣又on9，又冇咩長處嘅人一組...





   即係話我地永遠分組個陣都只係可以自己一組或者等d老師分我地去d三唔識七嘅組度...

   好撚慘呢？唔緊要啦，我讀左咁多年咩都慣曬啦...我次次分組都係咁嘅。

   所以，比d攻略你地，入到組個陣，冇咩事就盡量唔好比意見，人地叫你做咩就做咩，唔好不滿，就算係都唔好表現出黎，咁d人就會覺得你好似冇咩所謂咁，下次就唔會介意侵你入組...

   咩話？你問我咁樣唔會好委屈咩？

   會啊，但係呢個世界從來都冇得比你揀，你要生存，就要跟住呢個世界嘅規則玩，即使你幾唔情願，即使你地位有幾低。





   扯遠左tim。

   最多分組嘅係咩堂啊？

   梗係體育堂啦，我地學校基本上每次體育堂都會分組活動。

   而分組嘅主要作用都係方便我地有個伴學野同比試...

   其實本來個用意都幾好嘅...





   但係...我根本就冇朋友...即係呢個制度對我完全冇好處，亦都冇用！

   屌！！個天真係唔公平！！

   體育堂對於我呢d平時冇朋友、唔做運動、冇運動細胞同埋比人針對嘅人黎講都算係個噩夢，仲要係一星期一次嘅噩夢。

   當然，我都好唔鍾意上體育堂，唔係因為我廢，而係我本身覺得呢堂跟本就唔係為我而設，直頭係唔適合我。

   講白d姐係我廢...

   『各位同學，而家分組先...』拿！又黎啦，分組時間啊！屌！係喎，體育老師仲要係好麻煩嘅黃樺揮，即係罰9我個訓導主任...........你而家明點解我咁唔想上體育堂啦。

    之後呢，個個人都有partner，得我同一個傻仔冇，點解我會叫佢做傻仔呢？因為佢仲唔掂過我。

    所以....順理成章，我地要一組，我要睇住佢....





    我自己都未搞點喎！！咪玩啦...

    題外話。

    我地體育堂係分班上，CDE一組，AB一組。

    所以我都冇咩機會見到阿琪同阿婷，雖然佢地應該都唔想見到我.........

    之後我就同個傻仔一齊做閃避球嘅熱身動作。

    我地互相掉波，但係我地兩個都無係太夠力，所以掉到好奇怪，有時粒波只係去到中場，有時就咩左第二邊，仲要差d打爛玻璃，就唔好講咩準程度、拋物線個d啦...

    之後訓導叫我地埋去，好似話咩要分組比賽...





    屌！！真係好希望快d落堂啊！！