【港產片系列】獵殺影評人: 第九回

Suki感到震驚，對毛說：「老總喺樓下！」

毛也心頭一震：「吓……」

Suki對著電話說：「妳話我唔喺度啦！」

櫃檯小姐：「Sorry呀，呢位先生喺我隔離，佢聽到我哋對話……」

Suki：「咁呀，妳話我沖緊涼，叫佢10分鐘後先上嚟吖。」





掛了線後，Suki對毛說：「老總上緊嚟，你快啲匿入衣櫃度！」

毛：「吓……」

Suki：「吓咩呀？我自己應付老總得㗎啦，俾佢見到你都唔知點解釋！」

毛：「駛乜同佢解釋呀？要解釋嗰個應該係佢先啱！同埋佢咁奸狗，容乜易食咗妳呀？」

Suki：「你乖啦，我會問清楚成件事究竟係點？如果佢要對我做衰嘢，你到時可以出嚟救我㗎嘛。」





毛知道㘭不過她，只好把自己和隨身物都躲入衣櫃之內。

才關好衣櫃門，便聽到門鈴響起，Suki打開房門，總編輯進入房間。

Suki：「老總，點解你會嚟澳門嘅？」

總編輯：「我擔心妳有事呀，所以漏夜嚟睇下妳！」

Suki：「你擔心我？你知唔知身痕住間酒店火燭呀？仲有人見到出事前鐵漢喺酒店出現，究竟關唔關你事？」





Suki一輪嘴，叫總編輯不知如何回答？而且酒店火燭也對他造成極大震撼。

總編輯：「火燭？無…無理由㗎？佢點…點會咁做㗎？」

Suki：「你講乜嘢呀？係咪你將身痕住嘅地方講俾鐵漢知？」

總編輯：「無呀……我約咗鐵漢聽晚食飯，我……又點會咁做呢？係呢！咁身痕有無事呀？」

Suki：「佢無事！但係鐵漢點會揾到去嗰度？」

總編輯聽到身痕沒有事，即時鬆了一口大氣：「唔關我事……我都唔知鐵漢點解會揾到去？我又點會出賣你哋呢！」

Suki：「但係除咗我哋三個，應該無人知道身痕住喺YY酒店！」

總編輯：「妳信我啦，我企喺你哋嗰邊，一定會保護你哋，尤其係妳，我對妳絕對唔單只你上司同下屬咁簡單，妳跟我咁耐，應該知道我有幾錫妳？」





「……」Suki想起總編輯多年來的提攜和關顧，有點慚愧對他起了懷疑。

總編輯看到Suki有點感動的樣子，乘勢摟著她的肩：「妳唔駛太擔心，我拼咗條命都保護妳！」

Suki：「老總……」

總編輯更進一步把她擁入懷，並吻了她頭髮一下。

Suki有點不知所措，雙手在總編輯胸前推開，但總編輯用力捉著她並吻上她嘴唇。

Suki用力掙扎，並賞了總編輯一個耳光：「你做乜嘢呀？你癲咗呀？」

總編輯：「對唔住呀，我一時忍唔住，我發覺我愛上咗妳……」





Suki：「你黐線㗎！你有老婆㗎！」

總編輯：「其實我同老婆已經無晒感情，佢喺出面識咗第二條仔，我亦因為同妳朝夕相對擦出咗愛火。」

Suki：「我只當你係照顧下屬嘅好上司，我對你只有尊重，無任何愛情……」

總編輯：「妳唔好呃自己！我對妳有幾好？俾咗幾多機會妳？妳應該知道㗎！仲有今次鐵漢件事，我都瞓晒身幫妳！妳都應該俾次機會我哋吖！」

Suki：「Sorry，我對你真係無嗰種feel……你唔好再講落去，再講就連朋友都無得做。」

總編輯步步向前進逼：「Suki，我真係好寂寞呀，就算妳唔肯同我做情侶，都應該諗在我平時點對妳，陪返我一晚吖，好唔好？」

Suki逐步後退：「你係咪食咗藥呀？點解會講埋啲咁嘅嘢？你唔好再行埋嚟呀……」

總編輯：「我無食藥！我真係鍾意妳㗎，我唔想再喺妳面前隱藏嘅愛。我如果妳無心情做愛，不如我就下妳，只係入少少，唔駛入晒都得。」





聽到總編輯語無倫次的淫賤說話，Suki忍無可忍，起腳向總編輯下體踢去。

可是總編輯反應極快，雙腿一夾，把Suki的飛腳夾實，完全不能動彈。

總編輯得意地道：「我都學過恆宇仁龍拳㗎！」

總編輯雙腿一扭，Suki立時失去重心跌坐在地上。

總編輯撲下，雙手毫不客氣向Suki重要部位進擊。

「碰！」

衣櫃門被用力打開，總編輯呆了一呆不懂反應。





毛里平趁機一腳向總編輯面部踢去，並大叫：「死淫蟲！」

踢過正著，總編輯暈死過去。