【港產片系列】獵殺影評人: 第十回

Suki不理暈在身邊的總編輯，立即起身向毛里平懷中撲去，淚水再忍不住流了下來。

毛：「傻妹，無事啦，唔好喊啦。」

Suki：「嗚…嗚……我真係估唔到老總係咁嘅人……」

毛：「睇嚟真係佢出賣我哋。」

毛把總編輯的雙手用床單綁緊，並把他扶上床。然後倒了一杯水，向他面上淋去。





「咳…咳咳……」被水嗆到的總編輯醒了過來：「咳…身痕…點解你會喺度？」

毛：「你緊係唔想我喺度啦，咁你咪可以搞鳩Suki囉！」

總編輯：「呢啲係我同Suki兩個人嘅事，唔關你事！」

毛走到Suki身邊，抱著她的腰：「乜嘢唔關我事？Suki而家係我女朋友，你掂下都唔得。」

總編輯：「你個仆街！夠膽溝我Suki？我睇中先㗎，你憑乜嘢嚟同我爭？」





Suki沒有回話，含著淚水的雙眼向總編輯報以一個不屑的眼神。

毛：「Suki唔係貨物，唔係要嚟爭嘅！我哋係兩情相悅先喺埋一齊，你呢啲有老婆仲想搞三搞四嘅淫蟲係唔撚會明㗎喇。」

總編輯：「屌你啦，我唔明？我頭先都顧及Suki感受，提議只係入少少都肯制！有邊個男人可以咁偉大忍住唔一棍到尾？呢啲先係愛惜女人嘅表現呀！你得咩？」

毛聽不下這些悔辱Suki的歪理，氣得一腳踹在總編輯胸口：「收皮啦，仲講！」

總編輯痛到流出口水，發不出聲，只以惡毒的眼神回敬毛。





毛：「你咪再扮嘢啦！係咪你向鐵漢報串，話佢知我喺澳門嘅？」

總編輯突然大笑起來，二人不明所以。

待大笑過後，總編輯道：「係呀！係我將你酒店地址講俾鐵漢知嘅，等佢可以斬開你九碌…呀！唔係！係燒鳩死你條橫刀奪愛嘅撚樣呀！哈………」

毛：「你噏乜撚嘢呀？橫刀奪愛？Suki有鍾意過你咩？邊有人會同你呢啲陰毒撚一齊？」

總編輯：「我陰毒？好！我就連Suki妳住喺呢度都講俾鐵漢知，等佢一次過收你哋呢對姦夫淫婦皮！你哋咪駛旨意走得甩呀！哈………」

毛：「你都黐撚線㗎，唔伸多你一腳都對唔住自己！」

Suki阻止毛起腳：「老總，點解你會變成咁㗎？我知你唔係呢種人嚟嘅……」

總編輯：「哈哈……我緊係好人啦，妳而家俾我屌一Q，我就唔會同鐵漢透露你哋嘅行縱，最多我快手啲，阻你哋半粒鐘左右就搞掂㗎喇。」





Suki徹底死心：「身痕，我地執嘢走，唔好再留響度。」

毛執拾了剛才買的衣物和衛生用品，留下仍然被綁的總編輯，和Suki離開房間。

在關門的瞬間，聽到總編輯在說：「Suki咪走呀！半Q吖？屌半Q好唔好呀？唔射，淨屌15分鐘即停……」

今天總算看清楚了這個人。