【港產片系列】獵殺影評人: 第十二回

毛大驚，但還是立即把Suki推回戀愛巷：「妳走先呀！唔好過嚟呀！」

Suki知道這種情況下，毛已沒可能逃命，但要丟下他自己走又萬般不願。

毛見Suki在猶疑，加強了語氣：「快啲走呀！去報警呀！一個死好過兩個死！我會揾機會走㗎啦！走呀！」

Suki知道再猶疑下去只會讓事情更懷，決定先去找警察，希望還來得及制止鐵漢。

忍著淚的Suki抖聲向著毛說：「我愛你。」





說完便轉身跑回大三巴的方向，耳後傳來毛的聲音：「我都好愛你㗎！」

看到Suki走遠，毛走前幾步，令自己再看不到戀愛巷的情況。

其實，是毛不想Suki看到自己接下來會做的事……

只見毛突然雙膝下跪：「唔好呀，大哥！一場誤會咋！唔好…唔好殺我……」

鐵漢只是看著他，沒有說話：「……」





毛聲淚俱下：「我只係寫影評㗎咋，你套戲唔收得唔關我事㗎！」

鐵漢仍然沉默：「……」

毛更落力地哀求：「大哥……你鍾意嘅話，我登道歉啟事吖？！最多以後都唔再寫影評，自動喺呢個圈消失，你放過我啦……」

鐵漢慢慢把槍移動，再次對準毛的頭部：「……」

毛嚇出一身冷汗「呀！唔好！唔好！千祈唔好開槍！我認我係抹黑你……我知錯啦……唔好殺我…呀……嗚嗚…嗚……」





「……」

毛：「求下你放低枝槍先……有事慢慢講………………喂，大哥呀！你出句聲好唔好？」

「……」

面對毫無反應的鐵漢，毛憤而起身大罵：「屌！橫死掂死，夠膽即刻開槍，我做鬼都唔會放過你！你條撚樣，拍撚埋哂啲咁嘅西戲，當我哋啲觀眾白痴㗎？呃鳩大陸觀眾就得，香港人有腦㗎！唔通我仲要喺影評到讚鳩你啲垃圾戲呀？我都有尊……」

「砰！」

鐵漢手中的槍閃出火光，伴隨一聲巨響，毛里平整過人向後拋去，頭部著地。

「－－－－－－－※」隨即失去知覺。

「呀！！！！！！！！唔好呀！！！！！！！」Suki聽到毛在大罵，擔心得立即回頭找他，怎知剛從戀愛巷轉出來，正好看見毛里平趟在地上。





Suki立即跪到毛身邊，撫著他的臉：「身痕，你有無事呀……唔好嚇我……醒下啦……」

毛毫無反應，血水不斷由頭後方湧出，瞬間形成一大灘。

驚惶失措的Suki，淚水不受控地流下，滴在毛的臉上，再緩緩流落到地上的血水中。

淚和血混和在一起，但二人還有可能在一起嗎？

Suki此刻一無所懼，抬頭向著鐵漢大罵：「衰人！死仆街！做乜要殺佢喎？佢就算有乜得罪你，都罪不致死吖？做男人做到咁小器，不知所謂！夠膽就殺埋我呀！郁手呀！仆街！」

鐵漢喃喃道：「我走火咋……」