在街上漫無目的地走,毛和Suki不知不覺走到了著名景點大三巴。

毛里平摟著Suki坐在大三巴前的梯級上,雙眼望著夜空,心想由昨午於住所樓下被追殺到現在還不到24小時,已經發生了很多前半生也未有過的經歷,過程比自己任編劇時所寫的劇本還要精彩。

幸好有Suki陪伴著,否則一秒也難過。如此難得的知己,不能讓他陪自己受苦。

「Suki,我諗清楚啦,咁落去都唔係辦法,我決定去報警,我始終唔相信呢個世界有人可以無法無天,亦唔想妳跟住我左匿右匿,太難委妳啦。」毛說出心中所想。

Suki:「唔好咁講啦,我而家有個大影評家男朋友,又點會難委呢?而你又有個超級美少女編輯做女友,直情係執到啦,駛乜愁眉苦面呀?」





毛被逗得笑起來,Suki總有辦法令人把苦困的心情放鬆,如此可愛的女朋友若錯過了,可能再花一輩子也找不到另一個。

毛:「Suki妳真係好,我呢一世都唔會俾妳離開我。」

Suki從毛的眼中感到百份百的真誠,主動獻出熱吻。

毛里平也拍過幾次拖,每一次也留下不少甜密片段,但從沒一刻如此刻般叫人陶醉。

毛一邊回應Suki的熱吻一邊想到「酒不醉人人自醉」這句話。





還是「色不迷人人自迷」呢?

管他吧!只知道飲再多的烈酒,也不會有這種飄到九天雲外的感覺。

男人總是得一想二的,嘴上活動未完,手已向著女方的胸部進發。

Suki縮了一縮:「咪咁啦,有人呀!」

此時雖是深夜,但仍有其他遊人及情侶在大三巴範圍之內,所以Suki感到不好意思。





毛有一點被打斷的失落,但還是道:「Sorry呀,鬼叫妳咁吸引咩……」

Suki:「嘻…咸濕仔,係咪好失望呢?你乖乖地,遲啲實俾妳模返夠本,我呢對咪咪暫時係你專有嘅。不過佢哋好怕醜㗎,唔想喺度俾人睇蝕晒。」

明明是充滿挑逗性的說話,由Suki說來只覺可愛,不覺淫穢。

Suki拉著毛的手站起來,指著梯級下的一條小巷道:「你知唔知嗰度係乜嘢地方?」

毛:「一條橫巷囉。」

「呢條叫戀愛巷,好靚、好浪漫㗎!」Suki:「我之前嚟過,嗰時已經發誓,將來有男朋友嘅話,一定要同佢手拖手行一次。唔知今晚我有無呢個機會呢?」

「美人叫到,一定奉陪!」毛決定報警後,心中再無忐忑,語調也變得輕鬆。

二人牽著手走入戀愛巷。





這條巷長約50米,兩旁的建築物都塗上鮮明色彩,令人如置身歐洲小鎮的街道上,配合路燈的照射,更添上幾分如童話的夢幻氣氛。

毛:「呢度真係好靚,好似去咗歐洲咁。」

Suki:「無介紹錯啩?聽人講,真心相愛嘅情侶如果拖住手由頭到尾行一次,兩個人就會更加甜蜜,打風都打唔甩㗎。」

毛沒有回話,但心底裡想就算沒到戀愛巷,也願意令Suki一生甜蜜和幸福。

二人終於走到巷的盡頭,轉入另一條橫街中。

不對勁!怎麼這條街如此光?比戀愛巷光得多。

更可怕是,毛里平看見鐵漢全身黑西裝戴著墨鏡,如死神般舉槍指著自己!





上一秒鐘還籠罩二人的幸福,瞬間就完全消失掉!