晚上 22:30 蘭桂芳某酒吧VIP客房
「下次記得再嚟飲過喔~」夏巧莘用她纖幼白滑的手輕輕捉住了一個中年男人的領呔
「好~」中年男人一個色迷迷的眼光落在夏巧莘身上,「下次嚟一定再嚟捧你場!」
「好呀~」夏巧莘露出一個迷人的笑容
中年男人放咗一疊錢喺雲石桌上
「小費,比你嘅!」中年男人醉醺醺咁企起身,指住夏巧莘講
夏巧莘拎起一疊錢,然後同中年男人道個別,馬上就番到了更衣室,企喺自己嘅儲物櫃前
「成1萬呀呢度…!」她數了數,然後打開了儲物櫃,拎咗一個公文袋,將啲錢都放晒進去
喺佢閂番儲物櫃後,佢背靠着儲物櫃稍稍休息
「下一場客到咗啦!」一個女生推開咗更衣室嘅木門,對夏巧莘講,「你今日已經連踩咗幾場啦,okay嗎?」


「okay~我宜家就出嚟。」夏巧莘微微一笑,然後又再次企番好起來,跟住嗰個女仔行到VIP房門前
喺VIP房內坐咗四個男人,身材高佻嘅夏巧莘走喺最後,跟喺前面三個女生後面
一行到進房間,嗰三個女生立刻就走到其中三個男人身邊坐低,識趣咁拎起酒杯,又倒了酒
只有夏巧莘一人企喺原地冇郁,愣在原地望住坐在最右邊嗰個男嘅
「你做咩唔過嚟呀?」一個年輕,坐喺最右邊嘅男生揚起嘴角問道
「唔好意思呀…」夏巧莘瞬間就回神過來,行到那個男嘅旁邊坐下
個年輕男人笑了笑,喺酒筒中拎出一支啤酒
「等我幫你開酒呀~」夏巧莘露出佢最迷人嘅笑容,然後接過酒,用開瓶器把酒蓋開了
「你酒量好唔好?」男嘅問她
「你啱啱先坐低,就想灌醉我啦?我酒量唔差㗎~」夏巧莘微微一笑,把開了蓋嘅啤酒遞比男人


「你生得咁靚,當然想灌醉你啦!」男人露出了笑容直言道,然後又從酒筒中拎出了一支啤酒遞比夏巧莘
「咁既然你想我同你一齊飲,咁好啦~」夏巧莘開了酒,然後灌了一口
男人望住她,意味深長咁笑了一笑

晚上 00:30
VIP房嘅客人都離開,桌上放咗一疊鈔票,讓四個女生分
夏巧莘和另外三個女生平均分了,大家都往更衣室走去
「Ella賺得最多啦今晚~」企喺夏巧莘旁邊嘅女生說
「正常啦!Ella生得最靚,姿色滿分呀!」另一個女生望住夏巧莘
夏巧莘笑了笑,將錢收好後,就將成個公文袋放進手袋裏


夏巧莘孭着袋走出酒吧,已經接咗四輪客人嘅她已經醉意滿滿
她經過後巷,即刻就跑入後巷,扶住牆嘔
一個黑影從後巷入口走向夏巧莘,係啱啱嗰個年輕男人,佢仲未走,宜家只係剩低佢一個人喺度
夏巧莘亦察覺到有人行咗入嚟,企喺度望住佢
佢用紙巾抹抹嘴角,然後抬起頭
「你仲喺度做咩…想影低佢然後放上校內secret?」夏巧莘一臉不屑
「堂堂校花夏巧莘做陪酒小姐,的確係個幾爆嘅新聞嚟嘅~」男嘅笑咗笑,企喺原地
「哼…放囉~學校小渾渾講嘅嘢會有人信咩?」夏巧莘冷笑一聲
「你做陪酒,竟然會比我撞到,真係好勁。」男嘅笑咗一笑,「我真係好好奇,我地嘅校花點解會做陪酒小姐~」
「我嘅事,關你凌御生咩事?」夏巧莘企好起嚟,然後直盯企喺佢面前嘅呢個男仔
「為錢?估唔到校花會貪錢貪到做陪酒。」凌御生打算用激將法嚟聽到佢想知嘅嘢
「你咪當我係囉…我都費是同你講咁多。」夏巧莘腳步不穩咁喺凌御生身旁行過
豈料凌料生伸手一擋,然後喺衣袋中拎咗一疊錢出嚟,喺夏巧莘面前晃了晃
「唔知我地嘅校花,為錢可以去到幾盡呢~」凌御生揚起嘴角一笑
夏巧莘望住凌御生手上嘅疊錢,瞬間就停低咗腳步,喺眼神中滲出咗一絲動搖


「你想點?你挽我呀?」夏巧莘望向凌御生
「係。」凌御生直接坦白,「有校花不可告人嘅秘密喺手,當然要好好挽一下啦~」
「你想點呀?」連企都就嚟企唔穩嘅夏巧莘問道
「我地…做個交易呀~」凌御生露出一個意味深長嘅笑容

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link