[愛情走糖故]兩個人心底中不為人知嘅秘密,成為兩個人間嘅牽引: 02.交易

「交易…？你想要我？」夏巧莘有啲明白凌御生嘅意思，「點解我要同你做交易？」
「因為你要錢，只係各取所需啫～你滿足到我，啲錢歸你。」凌御生收起疊錢，然後一手將夏巧莘拉到自己面前，一手輕輕捉住夏巧莘嘅下顎，一手攬住佢嘅纖腰，「唔知你…挽唔挽得起呢～」
「你覺得我挽唔起呀？」散發住酒氣，而且已經醉咗嘅夏巧莘輕輕一笑，然後毫不猶豫就閉起雙眼朝凌御生嘅唇吻去
夏巧莘嘅雙手纏上凌御生嘅頸，雙手交搭喺凌御生嘅頸後，整個人貼上凌御生
凌御生攬住夏巧莘嘅纖腰，夏巧莘嘅黑色緊身裙令佢更感受到夏巧莘玲瓏浮凸嘅身材
兩個人，喺燈光昏暗嘅後巷熱吻，都只係想通過呢個吻…各取所需罷了吧…
喺微風吹起嘅同時，熱吻停咗落嚟
「其實我仲未講，我嘅交易內容…」凌御生微微揚起嘴角，佢嘅笑容喺燈光下望落，奸狡嘅感覺多咗分
「咩都得…」夏巧莘柔聲道，喺熱吻過後，似乎有點兒氣喘
「真係咩都得？」凌御生露出了玩味強烈的笑容，睇，「我開咩交易內容都可以？」


「嗯。」夏巧莘微微抬起頭定睛望住凌御生
望到夏巧莘嘅眼神，凌御生突然覺得有少許訝異
平日喺學校見到嘅夏巧莘，永遠都係笑臉迎人，對邊個都一樣溫柔善良，同其他人對上眼嘅時候，眼中亦只有溫柔
但宜家企喺佢面前嘅夏巧莘，溫柔嘅眼神減去，變成咗雙眼無光嘅暗淡，但喺暗淡嘅雙眸中，卻不欠缺堅毅同倔強，從雙眸中話你知：「我係一個有故事嘅人…」
「成件事會變得愈嚟愈有趣…」凌御生低頭講道
凌御生忽然覺得，夏巧莘呢個女仔…並唔簡單…而且佢地兩個人間嘅後續將會有啲意想不到
凌御生喺衣袋內拎出數十張啡色嘅鈔票出嚟
「咁我地就真係交易㗎啦～你唔好後悔。」凌御生將鈔票對摺起嚟，窒到夏巧莘嘅手中
「唔會後悔。」夏巧莘毫不猶豫咁講
「聽日見啦～」凌御生笑道


「警告你唔好同其他人亂講嘢。」夏巧莘對凌御生警告道，然後話畢就離開後巷
「呢個女仔真係好有趣～竟然比我睇到呢幕呢～」凌御生自言自語道，一臉期待，「令人好期待呢～」
…
夏巧莘坐喺巴士上層，戴住耳機，書包平放喺大腿上，靠住喺窗邊坐，旁邊空咗一個位出嚟
此時巴士剛好停喺巴士站，凌御生喺呢個站上車
凌御生行到上樓梯到上層，離遠就已經瞄到夏巧莘，而且佢隔離仲空咗個位
凌御生經過咗一排一排嘅座位，然後行到夏巧莘隔離坐低
本來合埋眼小睡片刻嘅夏巧莘感覺到隔離個位有人坐，下意識縮咗一下同睜開眼
夏巧莘看到凌御生，冇束好而且皺巴巴嘅裇衫，修窄咗褲腳嘅灰色西褲，同夏巧莘燙得畢直嘅校服做成極大對比
「你見到我都唔打招呼嘅？」凌御生面帶微笑咁望住夏巧莘


「早晨。」夏巧莘無奈咁講咗一句
「Hey！咪咁啦～」凌御生一下拍落夏巧莘放喺書包上嘅手，「大家咁有緣…」
隨住凌御生嘅一句，夏巧莘隨即感到有危機，個腦即刻就清醒過嚟
「你喺學校唔好亂講嘢。」夏巧莘瞪着凌御生
「你對我咁冷漠㗎…校花唔係對個個都nice㗎咩？」凌御生側住頭望夏巧莘
望住夏巧莘嘅側面，凌御生喺心中亦不禁講咗一句：「佢真係好靚…」
明明係無表情，但係亦無法遮掩夏巧莘原來嘅氣質，笑起嚟嘅時候係美人，唔笑嘅時候係冰山美人
「你今晚洗唔洗番工？」凌御生故意咁樣問咗一句
「同你有咩關係？」夏巧莘沉着氣反問道
「你想知？」凌御生玩味極濃嘅笑容令夏巧莘更擔心佢會做啲咩
夏巧莘只係覺得，同呢個人扯上關係，完全諗唔到任何嘅好處

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link