夏巧莘同夏學謙之間突然因為凌御生嘅問題面爭拗起嚟,因為大家嘅意見都唔一樣
「你冇同佢相處過,你知佢係咩人咩?」夏巧莘問道,「你根本就係先入為主!我真心唔明你點解要咁執著係我同佢嘅關係呢個問題!」
「我只係怕佢會影響到你,佢係咩人個個都知㗎啦!宜家喺學校入面,個個都講緊你兩個,你知唔知㗎?」夏學謙直勾勾的望住夏巧莘
「咁把口生喺人地嗰度,我講咩又有咩用啫?人地要講咪講囉!」夏巧莘皺起眉頭,「宜家係我同佢有來往咋嘛,又唔係你,同你有咩關係啫?」
「吓…?同我有咩關係?」夏學謙冷笑一聲,「我係你細佬,咁你覺得同我有咩關係?」
「就算我係中意佢咁又點啫!」夏巧莘沒好氣咁笑,「咁又點?」
「即係你中意佢?」夏學謙板起臉,「即係你中意咗佢?」
「只係一個假設嚟啫,做咩要咁執著?」夏巧莘已經開始有啲唔耐煩,「你想我講啲咩啫?我之前咪答咗你話冇嘢囉,你又唔信,又要再問,你想我答你咩呀?」
「咁你係中意佢咪講囉!」夏學謙皺起眉頭,「你下下都幫住佢講好說話做咩啫!」
「我冇幫佢講好說話囉!只係因為我知佢係點嘅人,okay?」夏巧莘企起身,「你喺人地嘅口中聽番嚟咋嘛,有真正同佢相處過咩?我都費是同你講咁多。」


夏巧莘沉着氣行番入房,避免自己直接就發脾氣
佢番到入房,坐到床上擰住手機,打開whatsapp send訊息比凌御生
凌御生嘅手機突然發出「咚咚」兩聲,佢拎起電話一睇,係夏巧莘send嘅whatsapp
Ella BB:一番到屋企就比細佬問長問短…
「問你咩呀?」凌御生輸入道
Ella BB:又係問我同你啲嘢…唔想答佢,嘈咗兩句
「佢都係關心你啫」
Ella BB:佢話我幫住你講好說話,咁但我都係講事實,佢又冇同你相處過,點解就要從人地口中聽番嚟就覺得係啱?
「唔緊要啦,唔洗嬲」
Ella BB:唔知呀…唔理啦!


凌御生望住手機嘅螢幕無奈咁笑,因為自己而令到夏巧莘兩姊弟嘈交,除咗無奈都唔知可以講咩
夏巧莘鎖上手機螢幕攤落床,側身攬住攬枕
諗番啱啱嘅事,夏巧莘覺得自己錯唔晒,佢都係講事實,明明就冇相處過,點解咁快就要下一個定論覺得佢一定係唔好?
「你對佢,到底係咩感覺?」
啱啱夏學謙問嘅問題喺夏巧莘嘅腦海中徘徊
「咩感覺呀…」夏巧莘喃喃自語道,喺腦海中沉思着、整理着個人嘅着對凌御生嘅感覺
凌御生將手機放埋一邊,老豆啱啱問係咪因為合眼緣
但其實自己同夏巧莘都唔係情侶,兩個人嘅關係有啲複雜…
攬過啦、錫過啦…但係乜嘢都唔係,話係「朋友」又好似唔太啱,因為所做嘅行為都比「朋友」呢個介線高啲;話係「情侶」又唔太適合,因為兩個人冇正式一齊過
比上不足比下有餘,先係令呢段關係變得複雜嘅原因


明明情侶該做嘅都做咗,但係卻唔係情侶嘅關係,兩人嘅關係又瞹眛又複雜
夏巧莘對凌御生嘅感覺開始有少許變化,但稱唔稱得上叫中意呢?
「合眼緣…」凌御生托住頭望住窗外喃喃自語
夏巧莘係校花呀…對個個嚟講都睇得上眼…成績好、性格好、生得靚,呢三樣嘢加埋得到「完美」…凌御生自己都唔知係因為咩原因先可以同夏巧莘行得咁埋,感覺上唔係完全因為交易,只可以話因為交易而令佢兩個有交集
但係如果問到底實際上係因為咩原因,兩個人應該都答唔到,比唔到一個好嘅回答…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link