[愛情走糖故]兩個人心底中不為人知嘅秘密,成為兩個人間嘅牽引: 39.只有二人的時間

「吓？做咩咁突然…」凌御生望向夏巧莘，唔知可以講咩只可以笑一笑
「突然間覺得，如果我同你一齊好似幾好…」夏巧莘平靜咁講道
「你做咩呀？因為開始夜啦？」凌御生無奈咁笑一笑問道，「突然開始感性起嚟啦…」
「我覺得你幾好呀…」夏巧莘無力咁靠喺凌御生嘅博頭上
「你同咗我一齊未必真係會開心，真係會幸福…你值得更好唔係咩？」凌御生咁講，事實上係口事心非
「我覺得你已經夠好…」夏巧莘微微抬頭望凌御生
「我已經夠好？你到底中意咩男仔…」凌御生假裝不經意咁問出口
「中意…唔知，感覺到就到…」夏巧莘無奈一笑
「你之前拍過拖？」凌御生輕皺眉頭
「冇呀…」夏巧莘搖搖頭，心中偷偷講道，「遇到你之後，我就想拍拖…」


「夏巧莘你信我，你同我一齊，唔會有幸福…」凌御生講呢句嘅同時對自己有啲失望，「我比唔到幸福你…」
「我講下笑啫，我都未想拍拖～」夏巧莘擠出笑容，「而且係搵都唔係搵你啦！」
「嗯…」凌御生點點頭
夏巧莘選擇咗沉默，唔想再講任何嘢，喺心中默默計算自己有幾想同呢個男仔一齊…
合埋眼，喺心中問自己有幾真心，有幾中意…
過咗一陣，夏巧莘都係冇出聲，凌御生為咗打破沉默開口講嘢
「陣間你番去嗰陣同我講，我送你番屋企好唔好？」凌御生微微低頭望向夏巧莘，發現夏巧莘好舒服咗靠喺佢博頭上瞓着咗，「夏巧莘？」
凌御生笑咗一笑，伸手輕撫夏巧莘嘅臉頰
「Sorry呀…我都想同你一齊㗎…但我真係怕同咗你一齊會害咗你…」凌御生苦笑道
因為自己屋企有黑幫背景，凌御生先會擔心，先會唔敢同夏巧莘講自己嘅心意…


擔心因為自己屋企嘅背景會令夏巧莘有機會有危險，佢當然知道自己同佢行得太埋都會影響到，但「情不自禁」呢樣嘢令佢冇辦法同夏巧莘保持距離
望住夏巧莘一臉安心咁靠喺佢博頭上瞓，凌御生嘅心就更難受，明明想比幸福佢，但係就怕會傷害到佢
明明感覺到夏巧莘對自己並唔係完全冇感情，但係卻唔可以回應…怕佢會受傷、有危險同時又想佢開心幸福
夏巧莘咁安心嘅樣子，證明咗夏巧莘對凌御生呢個人好放心好信任…
凌御生抬頭望一望時鐘，時針剛好指正12，時間先啱啱到咗10點
「今日應該好攰啦…」凌御生一臉寵溺咁望住夏巧莘柔聲道
凌御生並唔知道，自己對住夏巧莘有幾溫柔，望住夏巧莘嗰陣嘅眼神有幾寵溺幾疼愛，彷彿好似用眼神表達「要將所有嘅溫柔同愛護都比晒呢個女仔」一樣
佢只係由得呢個女仔靠喺自己博頭上瞓，冇嘈醒佢嘅打算，凌御生拎起遙控將電視嘅音量收細，然後輕輕扶住夏巧莘坐起，自己則行到電視前，伸手開咗電視櫃旁邊嘅落地燈，亮起柔和嘅橙黃色燈光
凌御生行到大門前，將客廳嘅燈閂上，然後行咗入房，拎咗張冷被出嚟，溫柔咁將佢蓋到夏巧莘身上
凌御生慢慢坐番低，再次將夏巧莘拉到自己身邊，夏巧莘再次無力地靠着凌御生，頭靠喺佢嘅博頭上


「希望…時間過得慢啲…」凌御生望住夏巧莘微微一笑道，然後喺夏巧莘嘅額頭上落下一個吻
兩個人坐喺梳化上，夏巧莘靠住凌御生瞓着咗，凌御生望住電視…如果兩個人係情侶嘅話，呢件事會被收藏於甜蜜事件中；但就算兩個人唔係情侶，呢件事對佢地嚟講，都係甜蜜嘅秘密嚟
時間一分一秒咁過，不知不覺間已經到咗凌晨1點45分
夏巧莘慢慢睜開眼，揉揉眼，第一件事係㩒開手機睇時間
「就嚟2點啦…」夏巧莘揉揉眼
「你醒啦終於。」凌御生望住夏巧莘，「送你番屋企好唔好呀？」
「嗯…」夏巧莘點點頭
凌御生帶住夏巧莘落到停車場攞咗車，因為時間唔早啦，所以直接揸車送佢番去
「上車瞓啦…」凌御生打開副駕嘅門，夏巧莘坐咗入去
凌御生彎腰探頭入車內，幫夏巧莘扣好安全帶，然後走到駕駛位坐低，呢個時候夏巧莘已經又再合埋眼小睡

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link