兩個人稍作休息,偷偷喘着氣,夏巧莘再次拎起放喺茶几上未飲晒嘅啤酒
「你真係好大膽…」凌御生坐前咗,左手攬住夏巧莘嘅腰,「你唔怕你飲醉咗之後我會做啲咩呀?」
「我知你唔會…」夏巧莘一下子將罐偏剩低嘅都倒入口中,一次過飲晒,然後放但啤酒罐喺茶几上,轉身將雙手搭到凌御生嘅博頭上,左腳跨過咗凌御生嘅雙腿一下子就坐到凌御生腿上
凌御生坐番後,夏巧莘一下子就將凌御生壓咗落椅背上,整個上身緊緊貼住凌御生嘅胸膛
「咦…」夏巧莘突然停頓咗一下,然後壞笑道:「你壞壞啦…你有嘢頂住我…」
「咳…」凌御生尷尬咁乾咳咗一聲,「呢個係正常呢生理反應…」
凌御生伸手,將夏巧莘嘅髮絲翹到耳仔後面
夏巧莘壓喺凌御生嘅身上,低頭再吻向凌御生,比起啱啱嘅吻更激烈
「咳!咳咳!」凌御生突然嗆到,笑咗一笑,「比口水嗆到…」
夏巧莘冇停落嚟嘅打算,再次低頭吻凌御生,直接用唇堵住佢嘅嘴


「你真係變態呢~」夏巧莘喺凌御生耳邊細聲講道,然後慢慢吹了一口氣
「邊個叫夏巧莘嘅魅力咁大?」凌御生一隻手攬住壓喺自己身上嘅夏巧莘,一手掃過夏巧莘嘅臉頰,「大到我都就嚟忍唔住…!」
凌御生一講完就緊緊攬實夏巧莘,然後一下子攬住夏巧莘翻身,將夏巧莘壓咗喺梳化上面
夏巧莘郁咗兩郁,但凌御生壓得更用力
「想走去邊呀夏巧莘?」凌御生捉住咗夏巧莘雙手嘅手腕,「你引誘完我又想走呀?」
夏巧莘咩都冇講,掙脫咗凌御生捉住佢嘅雙手然後攬住凌御生嘅頸用力向自己拉,
「冇想走~」夏巧莘講完之後調皮咁吐吐舌頭,然後再次主動咁吻上去
兩個人喺梳化上擁吻,凌御生一下子就抱起夏巧莘,然後轉身坐喺梳化上,夏巧莘又再次坐番喺凌御生嘅大腿上
當夏巧莘再坐喺凌御生大腿上三秒都冇嘅時候,凌御生頓時就感覺到男人正常嘅生理反應又出現
「陣間送你番屋企啦好唔好?」凌御生問喺自己懷中嘅夏巧莘


「唔好!」夏巧莘即刻抬頭,鼓起兩泡腮嘟起小嘴,然後再坐近咗啲,對住凌御生撒嬌道:「唔知點解…今晚好想同你一齊…」
「呃…」凌御生有啲猶疑
「你唔想同我一齊呀…?」夏巧莘一副可憐兮兮嘅表情望住凌御生
「我想呀…」凌御生回答到,心中默默講道:「只係我嘅理智線全晚都會好難受啫…」
「嘻嘻~即係我今晚可以同你一齊係咪呀?」夏巧莘露出可愛嘅笑容撒嬌道
「嗯…」凌御生點點頭
面對住飲咗酒之後魅力更強嘅夏巧莘,凌御生都冇辦法可以擋得住
「仲係好醉呢…」凌御生望住夏巧莘細細聲講道,「塊面仲係紅紅咁…」
「冇醉呀!」夏巧莘搖搖頭,然後坐起身,坐番喺凌御生隔離,又再開咗一罐啤酒,「仲可以再飲!」
一開咗一罐新嘅之後,夏巧莘就咕嚕咕嚕咁大啖飲


「你仲飲!?陣間真係醉到不省人事呀!」凌御生見狀即刻想拎走咗夏巧莘手上嘅啤酒,但夏巧莘好快就用力捉住個罐
「你都飲啦~唔好嘥嘢…」講完之後夏巧莘又再咕嚕咕嚕咁飲
喺茶几上仲有3罐,夏巧莘遞咗一罐比凌御生,凌御生開咗嚟飲
「唔知點解…真係好中意同你一齊…」夏巧莘頭靠喺凌御生嘅博頭上,「同你一齊就好安心…」
聽到夏巧莘咁講,凌御生沉默咗落嚟…媽媽嘅死對佢嚟講,始終係一個陰影般嘅存在
明知道有機會遇到危險,就算概率只有0.01%,凌御生都唔想冒險,因為夏巧莘對佢嚟講好重要,係同其他人唔一樣嘅存在,所以更加唔可以比夏巧莘有危險,唔想因為一次冒險,令佢失去呢個女仔…
但係夏巧莘嘅魅力同可愛就好似有一種無形嘅魔力一樣,令凌御生永遠無法抗拒

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link
已有 0 人追稿