「比你嚇死啦!仲以為真係咁明顯…」夏巧莘嘟一嘟嘴,然後伸手打咗夏學謙嘅手臂一下
「我可係你細佬呀…同一屋簷下咁多年,你咩性格我會唔知咩?」夏學謙一到理所當然嘅模樣,但係佢講嘅都係事實嚟,「所以我發現咗係正常嘅。」
「Okay...」夏巧莘無奈咁舉起okay手勢
今日夏學謙嘅反應異常得令人訝異,訝異得夏巧莘滿頭問號,平日一定係夏巧莘講一句夏學謙講十句,今日夏學謙竟然同夏巧莘講佢中意就得?
「我番房先。」夏巧莘從梳化企起身行番去房
夏巧莘仍然未搞清楚發生緊咩事,因為佢喺夏學謙口中聽到一啲平時一定聽唔到嘅嘢
「我中意佢真係咁明顯咩…」夏巧莘坐喺床邊,側躺喺床上,「唉…又要等一日先可以見到佢…」
曖昧嘅關係之所以甜,係因為等待,等待着下一次見面嘅時候會有咩特別事情發生,期待着每一次見對方嗰時嘅怦然心動
夏巧莘灘喺床上,喺腦海中尋找着問題嘅答案,到底凌御生有咩咁吸引…?對於本來就係乖學生嘅夏巧莘嚟講,凌御生嘅形象本來就因為「壞學生」呢個標籤而變得唔討好,同夏巧莘嘅形象根本就係格格不入,大纜都扯唔埋
識咗凌御生之後,本來對佢都好反感,但係慢慢發現原來凌御生喺人前冇表現出嚟嘅性格,知道咗佢唔想同人講嘅秘密,感覺上自己成為咗唯一一個可以比佢做番自己嘅人


知道得愈多,就愈對呢個人改觀…「原來佢唔係真係咁差」成為咗對佢改觀後嘅印象
行得愈埋,身邊嘅緋聞愈多;緋聞愈多,對凌御生嘅感覺好似已經唔係朋友嘅層面,慢慢滲出嘅感情愈多
原來呢個壞學生都唔太壞,一切都唔太壞…慢慢咁改觀,慢慢咁心動…由一開始唔太想行得咁埋,到宜家想行埋啲,同佢親近多啲…
凌御生嘅溫柔都令夏巧莘更容易咁迷上呢個男仔,不自覺就著了迷,就好似被施愛情咒一樣,離都離唔開
「呀!」夏巧莘喺床上面擰嚟擰去,「麻煩啦今次…」
夏巧莘自知今次麻煩啦…好似掂咗啲唔應該掂嘅嘢,宜家完全著晒迷,想走都走唔甩啦
「你真係好似個陷阱咁…搞到我宜家愈陷愈深啦…」夏巧莘雙手掩喺眼前,兩邊臉頰泛起淡淡紅霞,「凌御生你呢個衰人…」
夏巧莘抱緊攬枕,一個迷離嘅眼神,心臟偷偷地快速跳動,話比夏巧莘知佢對凌御生嘅感覺有幾強
喺寧靜嘅空間中,一啲雜音都冇…夏巧莘感覺到自己胸口震動嘅頻率,聽到心跳嘅聲音



「最衰就係你,撩起我嘅霸道心…」
「唔知點解…今晚好想同你一齊…」
「唔知點解…真係好中意同你一齊…」
「我今晚獨佔你成個人…我夏巧莘要獨佔埋你個心…!」
凌御生頹廢咁坐喺梳化上,腦海中全都係琴晚夏巧莘講嘅嘢
「何止個心係你嘅,成個腦都諗住你…」凌御生合埋眼伸手托着額角
凌御生彷彿記起咗啲咩重要事一樣,睜開眼之後就頓時喺褲袋入面拎出手機,要給某個人打電話
「喂。」凌御生壓低聲線,瞬間有一個氣場出咗嚟
「喂,凌少。」對方聽到凌御生嘅聲音之後頓時正經認真起嚟
「如果Ella再番工嘅時候,將佢調出去水吧又好侍應生又好,我唔要再見到佢做陪酒嗰個位。」凌御生命令道,一講起夏巧莘就瞬間散出霸道嘅氣息


「係,知道啦凌少。」對方頓時識做,恭敬咁回應道
凌御生掛斷咗電話,將手機掉喺一邊
夏巧莘係佢中意嘅人,佢又點可能可以再睇住夏巧莘繼續做陪酒,比其他人佔便宜?
凌御生直接灘低咗喺梳化上面,側着身躺着,拎住手機,自然咁就打開咗圖片庫,搵到今日夏巧莘send比佢嘅相,無奈咁苦笑起嚟
「想一齊但又唔可以一齊先係最煎熬嘅事…」凌御生望住手機嘅螢幕,腦海浮現出嗰日嘅畫面
當再次為佢戴上頭箍嘅時候,夏巧莘自然咁就抬手放咗喺自己嘅手背上輕輕搭住
旁邊旋轉木馬嘅燈光,一點一點明亮又不失氣氛嘅橙黃色燈光打喺夏巧莘身上,喺佢眼中有了燈光嘅倒影,就似有了亮點
當眼前嘅女仔微微抬頭望佢,彷彿眼中只有自己一個,都已經容不下其他人一樣,心中頓時都被呢個小美人懾住,心臟突然緊縮咗一下
就算宜家只係望住張相,心臟仍然記得嗰種感覺…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link