夏巧莘感覺到裙袋中嘅手機震咗一下,然後鬼使神差地拎咗手機出嚟放喺櫃桶,偷偷低頭睇手機
見到係凌御生send過嚟嘅message,嘴角不禁上揚,㩒入去睇
A_lryosna:好似你
夏巧莘拉上去望嗰個Po,原來係一隻豬仔,細細隻好可愛
Ella_hs:邊度似呀!
凌御生見到夏巧莘嘅回覆,笑咗一笑
啱啱睇到呢個Po嘅時候,凌御生第一時間就諗起夏巧莘
A_lryosna:好可愛喎~好似你
Ella_hs:我先唔係豬呀!你先係!!!
A_lryosna:你係豬呀,Ella BB豬嘛



夏巧莘見到之後無奈咁笑一笑,又喺鍵盤上打字
Ella_hs:咁都比你諗到呀?咁你都係豬啦
凌御生睇完之後笑咗一笑就將手機收番入褲袋
夏巧莘見凌御生seen咗,然後就將手機放入櫃桶繼續聽書
唔知係咪因為比凌御生咁樣逗一逗,夏巧莘嘅臉頰忽然開始燙起嚟
「成日都突然間咁講嘢…」夏巧莘雙手捧着臉頰,臉頰嘅熱度傳到手心,心中偷偷抱怨,「搞到我個心又噗噗跳…」
明明係抱怨着,但係心中又覺得有啲甜
夏巧莘再拎出手機,微微低頭,時不時又抬頭望一望黑板或者老師
Ella_hs:嚟緊考試一唔一齊溫書呀?
果然凌御生一感覺到手機震動就拎出嚟睇,因為凌御生有預感,覺得一定係夏巧莘


A_lryosna:可以一齊溫書呀~但我怕我Focus唔到
Ella_hs:點解呀?
A_lryosna:因為有個小美人喺我隔離,我可能會專心唔到

夏巧莘見到嘅時候,心彷彿被射咗一槍,今次真係中咗凌御生嘅愛情魔咒啦
夏巧莘微微鼓起兩泡腮打字回覆
Ella_hs:你成日都咁樣撩女仔㗎?
A_lryosna:我身邊得你一個女仔

夏巧莘睇到嘅時候心中暗自歡喜,因為咁樣即係代表凌御生淨係撩自己一個
鍾家豪見到凌御生望住手機螢幕,然後喺度偷笑
「凌御生你真係冇救㗎啦…」鍾家豪搖搖頭,喺心中無奈咁講道,「校花嘅魅力真強,令阿生都變成咁。」


Ella_hs:你一定係成日周圍撩女仔,先可以講咁多呢啲甜言蜜語啦~
A_lryosna:我身邊冇其他女仔,就只有你一個
Ella_hs:呿,我先唔信你呀!成日落酒吧飲酒,仲唔係想識女仔?
A_lryosna:同我飲酒嗰啲係,但我唔係

凌御生望住螢幕諗咗一陣,然後又輸入回覆
A_lryosna:有你一個都夠,唔洗要其他女仔
凌御生簡直就係狙擊手,每一句都好似係瞄準夏巧莘嘅心一樣,夏巧莘差啲就心動得要心臟病發
Ella_hs:你唔好再撩我啦!
A_lryosna:我就係中意撩你,而且身邊除咗你之外冇女

夏巧莘睇到嘅時候,心情一下子就沉咗落去
Ella_hs:咁去識女囉…
A_lryosna:唔想,都話有你就夠

夏巧莘偷偷地揚起嘴角,果然自己喺凌御生心中都係最特別嘅存在
Ella_hs:哼…我先唔信你呀…
A_lryosna:唔好信囉~總之我冇講大話


A_lryosna:就係有你一個就夠,有個小美女喺身邊咪夠,仲洗咩識其他女?

凌御生只係咁樣講咗一句,夏巧莘個心已經甜到漏
Ella_hs:信住你先啦…咁嚟緊一齊溫書㗎啦
A_lryosna:知啦知啦!

夏巧莘心中甜絲絲的,總是期待下一次同凌御生嘅見面

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link
已有 0 人追稿