凌御生心中諗起夏巧莘,頓時望過去
但見到嘅係一個佢唔認識嘅小姐姐
「冇…」凌御生頓時就甩開嗰個小姐姐嘅手
「你住邊呀?我扶你番去啦~」嗰個小姐姐講道,又想伸手捉凌御生嘅手
「唔洗…」凌御生一臉厭惡咁甩開小姐姐嘅手
望真啲呢個小姐姐化咗個大濃妝,假眼睫毛長到就嚟可以喺落雨嘅時候可以擋住雨水整溶個裝,眼線畫得好長仲要極黑,搽咗一個大紅唇
凌御生急步行,想要避開呢個化濃妝嘅妖艷小姐姐
驟眼見到前面有一個面善嘅女仔行近,面善得令凌御生嘅心臟快速跳動,嗰個女仔都望住凌御生側一側頭,一臉疑惑
沒等嗰個女生走到埋嚟,凌御生諗都冇諗就已經行咗上前,一把攬住嗰個女仔
呢個好似喺凌御生嘅心臟上設置咗「自動心跳加速」同時比佢攬住嘅女仔,除咗夏巧莘之外仲可以係邊個?


「BB你嚟啦…?」凌御生自然咁撒嬌道
夏巧莘將企喺佢對面嘅小姐姐上下打量一番,濃妝艷抹,著住貼身裙將事業線都谷晒出嚟,夏巧莘嘅心中不禁有少許疑惑
「我唔識佢㗎…佢突然間上嚟搭訕…」凌御生捉住夏巧莘嘅手解釋道
「靚仔~你唔係揀佢唔揀我呀嘛~」小姐姐行前咗一步,手輕輕搭喺凌御生嘅前臂上,一臉不屑咁瞄咗夏巧莘一眼,「我靚咁多…」
「我唔中意醜八怪…」凌御生講完之後郁咗一郁,避開咗小姐姐嘅手
「你話我醜!」小姐姐一臉驚愕,指住自己,生氣得快要頭頂冒煙
「BB我地走啦…」凌御生望住夏巧莘
「哦…嗯!」夏巧莘呆咗一呆然後點點頭,伸手扶住凌御生慢慢行
夏巧莘本來打算過嚟酒吧搵一搵經理講嚟緊番工嘅安排,因為打算最近都唔再番工住,所以想同阿歡講聲
豈料碰巧遇上咗凌御生,比佢拉走咗,做咗佢嘅擋箭牌


今次係第一次見到凌御生咁醉
「唯有之後先再同經理講啦…」夏巧莘喺心中講道
上咗的士之後,正當夏巧莘諗住講凌御生住嗰度嘅時候,凌御生竟然話去屋企附近嘅海傍而唔係番屋企
夏巧莘幫凌御生扣上安全帶,凌御生嘅手接着額角,微微睜眼見到眼前呢個女仔
同啱啱嗰個濃妝艷抹嘅小姐姐相比,眼前呢個清麗脫俗嘅小美人更令凌御生著迷
當夏巧莘想坐番好嘅時候,凌御生伸手捉住夏巧莘嘅手腕,一把向自己身後拉
夏巧莘貼喺凌御生嘅胸膛上,凌御生一手攬住夏巧莘嘅纖腰,另一隻手放喺夏巧莘嘅頭後,微微用力一按,直接就吻上夏巧莘嘅唇
夏巧莘有啲愕然,呢個男仔飲醉咗之後嘅吻,少了一分溫柔,增添了一分霸道,但夏巧莘完全冇躲避之意,反而輕輕咁攬住凌御生嘅腰
「你搵我做擋箭牌…」夏巧莘微微抬起頭,扁着嘴
「唔通你想我搵第二個…?」凌御生輕輕一笑,收起放喺夏巧莘頭後嘅手,放喺額頭上


夏巧莘冇出聲,佢心中當然唔希望凌御生搵第二個女仔
凌御生唔敢直視夏巧莘,於是撇開了臉
喺外面微弱嘅燈光下,可以望到凌御生輪廓分明嘅側臉,臉頰上泛起紅霞
夏巧莘側着身子坐,手輕輕捉緊凌御生嘅衣角
凌御生合起眼瞓嘅咗,夏巧莘坐直個人,然後喺凌御生嘅臉頰上偷偷落下一個吻

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link