[愛情走糖故]兩個人心底中不為人知嘅秘密,成為兩個人間嘅牽引: 82.她對他的意義

「急救箱喺邊呀？」夏巧莘頭腦仍然清醒
「喺嗰個櫃度…」凌御生指住鞋櫃上嘅吊櫃
夏巧莘微微踮腳，伸手將急救箱拎咗落嚟，跪低喺凌御生面前
凌御生除咗件染咗血嘅白裇衫同底衫落嚟，赤裸着上半身
「忍一忍痛…」夏巧莘對凌御生講嘅同時，亦係對自己講
夏巧莘小心翼翼地幫凌御生止咗血，然後消毒傷口，再蓋上紗布包紮好
啱啱嘅情境，咁大個女第一次見到，自己都嚇到呆咗，心好慌唔知點算
只見凌御生擋喺自己身前，用力握住自己嘅手，望住一刀一刀落喺凌御生嘅手上同身上，臉上都出現瘀痕，嘴角都開始滲出血…
夏巧莘心中既自責又痛心，佢一聲不吭拎住急救箱行到鞋櫃前，踮起腳尖將急救箱放番上去
凌御生見夏巧莘冇出過聲，輕皺眉頭，微微一笑行到夏巧莘背後伸手攬住佢，感覺到夏巧莘輕微的顫抖


「嚇親啦？」凌御生將夏巧莘攬得更實，溫柔地安慰着，「唔洗驚…有我喺度…」
「對唔住，我幫唔到你…」夏巧莘擰轉身面向凌御生，眼眶泛紅，「你仲要下下護住我…」
「唔洗對唔住呀～」凌御生微笑道，「你嘅責任就係比我保護就夠。」
「一定好痛啦係咪呀？」夏巧莘輕輕推開凌御生，一臉心疼咁捉住凌御生嘅手，望住凌御生手臂上嘅傷
「少少啫～Okay呀～」凌御生拍一拍夏巧莘嘅頭，然後轉身行番去梳化
凌御生嘅背一轉過嚟，夏巧莘愕一愕然
因為喺凌御生嘅後右腰上有一個紋身，一個只有N（北）、E（東）、S（南）、W（西）同指針嘅指南針紋身，喺S下面用潦草寫住「Find your way」
凌御生望向夏巧莘，見到佢一臉愕然，估到佢係因為望到自己後腰嘅紋身
「喺夠18歲嗰日紋上去。」凌御生笑一笑道，「唔經唔覺都紋咗兩年…」
「你今年20？」夏巧莘更愕然，「你今年唔係18咩？」


「哈哈！」凌御生笑起嚟，「我冇話過我今年18喎～我大過你㗎傻妹！」
「點知啫，一開始又唔會講明嘅…」夏巧莘鼓起兩泡腮
「我今年都20歲啦夏巧莘，我大你兩年㗎！只不過係留過班，所以先同你同級咋嘛～」凌御生笑道，突然皺一皺眉，「呀痛！」
凌御生嘅嘴角都受咗傷，笑得太過傷搞到傷口又破了，又滲血出嚟
「你整到就唔好笑到咁啦！」夏巧莘沒好氣咁行過去，喺紙巾盒中抽出紙巾幫凌御生拭去滲出嚟嘅血
夏巧莘坐喺凌御生隔離，凌御生望住眼前呢個女仔，心動嘅信號又嚟啦
呢個女仔，係唯一一個挑起佢嘅霸道嘅人；係對佢嚟講最重要嘅人；係佢拚了命都想要保護嘅人
佢嘅溫柔、細心、笑容同一切，全部都想要據為己有，想同所有人講「呢個女仔歸我所有」呢種霸道嘅說話
凌御生伸手捉住夏巧莘嘅手腕，定睛望住佢
「做咩呀？」夏巧莘嘅微笑喺凌御生眼中格外甜美


凌御生拉開夏巧莘嘅手，喺情感嘅驅使下湊近夏巧莘，溫柔地碰上夏巧莘嘅唇，夏巧莘冇躲避，輕輕握緊了手
凌御生鬆開手，攬過夏巧莘嘅腰
夏巧莘嘅手放喺凌御生嘅胸膛上，直接感受到凌御生胸膛上結實嘅肌肉
凌御生唔係做開gym嘅人，但係都會做下運動，雖然唔係人地爆肌嗰種地步，但都有少少肌肉，小腹上都有六塊肌肉，有人魚線
夏巧莘有啲害羞咁縮咗手

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link