凌御生比夏巧莘嘅個動作逗笑了
「你怕羞呀?」凌御生笑着問道
「冇…」夏巧莘撇開臉,諗緊要點樣轉移話題
「真係好可愛~」凌御生望住夏巧莘嘅側臉喺心中講道,「我中意嘅人點解就咁可愛?」
「你…」夏巧莘偷瞄咗凌御生一眼,突然諗起琴晚凌御生講嘅嘢,「你琴晚講嘅嘢係真㗎?」
「真㗎。」凌御生毫不猶疑,認真咁回答道,「真心話嚟。」
夏巧莘偷偷揚起嘴角,心中暗自歡喜
「你琴晚講到好似要表白咁…」夏巧莘壓抑住自己嘅興奮
「你希望我係表白?」凌御生故意問道
夏巧莘冇即刻回答,反而有所猶疑


「如果我答佢係,但佢話唔中意我咁…」
「但如果佢都中意我,但我答咗唔係,佢會唔會失望…?」
「如果兩樣都唔係,佢話淨係想曖昧咁點算呀?」
「其實我又點會唔想你係表白…?我心入面當然希望你同我講你都中意我…」夏巧莘喺心中默默講道
凌御生見夏巧莘竟然有御猶疑,心中不禁有啲失望
「我琴晚講到咁都唔係表白咩?邊有男仔會突然同一個唔中意嘅女仔講呢啲㗎?」凌御生喺心中失望着道,「夏巧莘你Feel唔到我都中意你㗎咩?」
凌御生都有啲猶疑,今次係咪一個機會比佢講出口,講出自己嘅心聲,但今次凌御生經過再三考慮之後,決定…都係唔講住,要遲啲比個大啲嘅驚喜佢
凌御生伸手拍一拍夏巧莘嘅頭,笑咗一笑,咩都冇講就行開咗,入房拎番件衫著起
「你沖涼嗰陣唔好濕水呀…」夏巧莘提醒道
「沖涼點唔濕水呀?」凌御生沒好氣地笑,故意逗夏巧莘道,「你幫我沖囉~咪唔會濕到水。」


「你變態!」夏巧莘嘅臉頰頓時就紅起嚟
「我變態?」凌御生指住自己一笑,「我叫你幫我沖咋喎,又唔係叫你一齊沖~」
「你仲講喎變態!」夏巧莘鼓起兩泡腮
「唔講囉~」凌御生聳聳肩
「係呢…今日嗰啲人係咩人嚟?」夏巧莘認真問道
「唔知,今晚我老豆番嚟嘅時候成身都係血,佢話未知係咩人,淨係叫我出入小心啲。」凌御生講道,「你都要小心啲。」
「嗯…」夏巧莘點點頭,有啲擔心
「唔洗擔心,我會保護你,唔會比你受傷。」凌御生自然就講咗出口,但心中再次打冷震,因為自己又講咗肉麻嘢
「嗯!」夏巧莘露出安心嘅笑容,「你都要小心啲呀出入…」
「知啦!」凌御生溫柔一笑,瞬間懾住夏巧莘嘅心


有自己中意嘅人為自己擔心,永遠都係最暖心嘅事
夏巧莘望住凌御生嘅時候,愛慕之意自然地喺眼神中流露出嚟
明明有咁多男仔拜喺佢嘅石榴裙下,佢偏偏邊個都唔中意,偏偏愛上呢個大家眼中嘅「小渾渾」,偏偏比佢獨特嘅魅力吸引住…本來以為都係不過如此,冇諗過佢對自己嚟講係一個深淵……
凌御生望住夏巧莘嘅時候,眼神都自然地變得溫柔起嚟,眼中滿是寵溺,大概係只對中意嘅人先會有嘅眼神
明明喺身邊經過嘅女仔有咁多,但凌御生偏偏只伸手捉住佢…唔係因為佢係校花,更唔係因為佢有幾傾城嘅外貌,純粹係一開始對佢嘅好奇從而令佢跌入咗愛情陷阱之中,遇上咗佢嘅「毒品」…
兩個人之間嘅微妙關係,好似早就唔再喺曖昧嘅層面上
互相喜歡,互相愛慕着,卻偏偏唔同對方講出心聲…默默愛着,默默守護着
其實喺凌御生同夏巧莘之間,大概就只差一個名份…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link
已有 0 人追稿