[愛情走糖故]兩個人心底中不為人知嘅秘密,成為兩個人間嘅牽引: 96.壁咚了！？

夏巧莘推門入去，凌御生跟喺後面行入去，門一打開就有一陣香味撲鼻而來
夏巧莘嘅睡房好乾淨，書枱、書櫃上嘅嘢都房得井井有條，床上放着一個長型攬枕，層架上放咗一部香薰機
凌御生趁夏巧莘喺書櫃前拎嘢嘅時候，行到佢嘅書枱前，一行到書枱前就見到用嚟貼相嘅網格
網格上面其中一張相特別吸引凌御生嘅目光，就係喺旋轉木馬前嗰張相
凌御生冇出聲，只係默默望向夏巧莘，佢仍然專心咁拎緊嘢
當凌御生見到另外一張，同樣係喺迪士尼影，但只係手拎Chip & Dale嘅相嘅時候，偷偷揚起嘴角笑起嚟，然後又伸手輕輕碰咗放喺枱上嘅Chip一下
「凌御生，我拎完啦～」夏巧莘講完就回頭望，見到凌御生正企喺佢嘅書枱前
夏巧莘心顫咗一下，知道凌御生已經見到網格上嘅相
「我拎完啦～」夏巧莘假裝咩事都冇行到凌御生身旁站着
「夏巧莘。」凌御生突然柔聲喚着夏巧莘


「嗯？」夏巧莘側側頭望住凌御生
凌御生嘅行動從來都冇先兆，佢伸手將夏巧莘嘅下巴微微抬起，耷低頭吻喺佢唇上，呢一個吻突如其來，夏巧莘愕然地瞪大了眼，愣住企喺原地
「出去做功課啦夏巧莘！」凌御生若無其事咁講道，然後拎走喺夏巧莘懷中嘅書本，喺夏巧莘身邊行過行出客廳
夏巧莘嘅胸口明顯地有着高低起伏，呼吸變得速速起嚟，心臟又再開始快速跳動着
「凌御生又…」夏巧莘細細聲喃喃自語，仍然未能平伏下來，「又突襲我…」
凌御生見夏巧莘冇出嚟，心中暗自高興，因為今次又突襲成功
兩個人之間嘅吻，突襲又好，邊個先主動都好，彷彿已經變成咗自然嘅事，像情侶間嘅互動一樣
凌御生輕手輕腳咁行入夏巧莘嘅房，見到佢仍然呆企喺度，凌御生微微揚起嘴角，行到去夏巧莘嘅身後
「發咩呆呀？」凌御生講嘅同時，伸手從後攬住咗夏巧莘，夏巧莘嚇一嚇，成個人震咗一下
「你又嚇我！」夏巧莘擰轉頭望佢，鼓起兩泡腮


「見你呆咗，先嚇一嚇你咋嘛～」凌御生笑一笑，正當凌御生欲鬆開手嘅同時，夏巧莘擰轉身，將頭埋進凌御生嘅胸膛，凌御生溫柔一笑，「做咩啦？」
夏巧莘冇回答，只係搖搖頭…夏巧莘嘅眼尾瞄到凌御生手上嗰啲未完全好番嘅傷痕，心頭一緊，將凌御生攬得更緊
「咦…？」凌御生對夏巧莘嘅舉動感到愕然，但轉眼間又露出溫柔嘅微微，伸手摸摸夏巧莘嘅秀髮，「到底做咩啦？」
夏巧莘冇出聲，只係喺凌御生嘅懷中像撒嬌一樣蹭了蹭，過咗一陣才開口講話
「就係擔心你…」夏巧莘嘅語氣軟綿綿的，完全就係撒嬌嘅語氣
這一撒嬌，凌御生嘅心瞬間就溶化了
「有咩要我地校花擔心呀？」凌御生壓抑住心中泛起嘅波濤洶湧，柔聲問道
「你囉…」夏巧莘扁起小嘴，「怕你又受傷…」
「傻妹嚟嘅，突然間點會受傷？」凌御生沒好氣地笑起嚟
「怕你好似上次咁突然間又出咩事…」夏巧莘抬頭望住凌御生


「唔會啦！我會保護自己嘛！保護埋你都仲得！」凌御生笑起嚟，開心到眼睛都眯成一條線
夏巧莘慣性地微微踮起腳尖，伸手攬住凌御生嘅頸，朝佢嘅唇吻去
凌御生悄悄地邁步走，夏巧莘往後退，凌御生將夏巧莘逼到背貼住牆，左手攬住腰，右手喺夏巧莘嘅博頭旁邊位置按住牆
「咚我啦？」夏巧莘有點不知所措地側着頭望凌御生

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link