[愛情走糖故]兩個人心底中不為人知嘅秘密,成為兩個人間嘅牽引: 97.什麼時候變成你的小寶貝了

「小寶貝，驚呀？」凌御生揚起嘴角，明顯係故意逗着夏巧莘玩
「邊個係小寶貝啦？」夏巧莘嘅臉頰泛紅，但不出凌御生所料，「你淨係識撩女仔！」
「我淨係識撩你。」凌御生若無其事咁講道
夏巧莘嘅不知所措同羞澀，凌御生都睇喺眼裏面 佢嘅一顰一笑，都只令凌御生更中意佢，更想寵佢多啲
「哼！衰人！」夏巧莘用小拳輕輕捶喺凌御生嘅胸膛上，然後推開凌御生，紅着臉頰咁急步行出廳
凌御生嘅手托住額角，低頭一笑，然後抿抿唇，收起笑容同喜悅行出去，坐喺夏巧莘對面同佢一齊做功課
「快啲拎功課出嚟做啦！」夏巧莘對住凌御生講
凌御生喺夏巧莘面前乖乖做功課，雖然平時上堂好少專心聽書，但憑佢都聰明嘅頭腦都可以應付得嚟
夏巧莘唔敢抬頭望凌御生，只敢偷瞄一眼
凌御生手拎住原子筆，默默低頭寫作業，一臉認真地寫着作業本，視線冇離開過功課簿，努力咁寫着


「原來佢都有專心嘅時候…」夏巧莘望到佢認真嘅模樣，不禁有點心動
夏巧莘從來都冇見過佢認真做功課嘅模樣，所以對佢嚟講係一件新鮮事，不過同時亦令夏巧莘明白，「認真工作嘅男人，永遠都係最吸引」呢個說話嘅意思
喺夏巧莘眼中，眼前呢個男仔似乎永遠都係咁特別，永遠有新驚喜比佢，有唔同嘅方法撩動佢嘅心…夏巧莘想更了解佢，知道佢更多事情，大小事都想知道想了解，因為對方係凌御生
夏巧莘偷偷揚起嘴角，再次默默低頭做功課，同時凌御生就好似夏巧莘剛才嘅動作一樣，偷望對方
「佢真係完全係一個乖乖女…」凌御生心諗
夏巧莘認真做功課嘅模樣係佢第一次見到，平日見到嘅佢都係活潑坐唔定的
凌御生都冇辦法解釋，點解喺茫茫人海中，就只喜歡呢個女仔
喺酒吧見到佢嘅時候，佢化咗妝，將自己嘅優勢再放大；平日嘅佢都係以素顏示人，但呢種脂粉未施，更能突顯佢嘅清秀
兩種狀態嘅夏巧莘，凌御生都中意，簡單嚟講就係：只要嗰個人係夏巧莘，凌御生都中意
有時凌御生會希望自己讀書叻啲，咁樣先襯得起夏巧莘


對於兩人而言，要唔要喺埋一齊從來都唔係重點，縱使心中好想將對方據為己有…縱使喺其他人眼中，兩人看似並不相襯，但往往就係「男人唔壞，女人唔愛」呢個道理，令「壞男人」變得更為吸引
凌御生呢個「壞男孩」身份，引起咗夏巧莘呢個「乖女孩」嘅注意，成日撩動着佢嘅心，喺佢嘅心房之中留下咗一個位置
呢個時候夏巧莘突然企起身，凌御生抬起頭望佢，望到夏巧莘入咗房之後，凌御生冇講嘢亦冇行動，只係低頭繼續做功課
夏巧莘行咗入房，當佢再行番出嚟嘅時候雙手放喺後面，好似收埋咗啲咩咁
「喂…」夏巧莘再次坐低喺凌御生對面，「凌御生。」
「嗯？」凌御生抬頭望夏巧莘
「送比你㗎…」夏巧莘從身後拎咗一個長方型嘅盒出嚟放喺枱面，推向凌御生，「多謝你上次…保護我…成日都令你因為我受傷…」
一個細長型嘅啡色皮質盒，盒嘅中央寫住「DW」,D字呈垂直鏡像，喺「DW」嘅下方用細字寫住「Daniel Wellington」

IG Link: https://www.instagram.com/nd_cotttoncandy/?hl=zh-tw


回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link