[愛情走糖故]兩個人心底中不為人知嘅秘密,成為兩個人間嘅牽引: 99.有人心疼就是不一樣

兩個人做完功課之後就收拾好東西，凌御生喺夏巧莘屋企食完晚飯之後就離開回家
「我送你落去啦～」夏巧莘笑道，佢仲未換衫就係打算喺凌御生走嘅時候送佢
「嗯。」凌御生點點頭，夏巧莘拎咗鎖匙電話就出去
搭升降機落去嗰陣，夏巧莘瞄咗一眼凌御生嘅手腕，心中暗暗高興
「隻錶要帶住呀…」夏巧莘抬頭望凌御生柔聲道
「嗯…會一直戴住。」凌御生自然就伸手摸摸夏巧莘嘅頭
「番到屋企whatsapp我。」夏巧莘抿抿唇，微微一笑
「知啦，我走啦。星期一見啦！」凌御生點點頭，然後轉身離開
「好開心喎你。」夏巧莘一入屋企門，夏學謙就開口挪揄道
「咩呀…又窒我…」夏巧莘嘟一嘟嘴，然後坐低喺梳化


「唔係咩？」夏學謙笑咗一笑
夏巧莘冇出聲，只係默默低頭
…
凌御生差唔多行到去屋企樓下嘅時候，突然間有一群人走向佢，然後拉咗佢入後巷打了一頓，凌御生完全比唔切反應就比人打
但喺嗰班人走嘅時候，凌御生認得佢地就係上次拎刀襲擊佢嘅人
凌御生加快咗番屋企嘅腳步，一番到屋企，凌御生第一時間就係打比凌天傲
「喂老豆，啱啱我番到樓下嗰陣突然有一班人拉住我嚟打。」凌御生坐喺梳化平靜咁講，「我認得佢地，係上次拎刀襲擊我嗰班人。」
「阿津已經審問咗捉番嚟嗰個人，已經問到啲嘢，我同阿津大概已經有頭緒，你最近要小心啲，新抱仔都要小心啲。」凌天傲喺電話嘅另一端冷靜地講道
「嗯。」凌御生講完就收咗線
仲喺社團辦公室嘅凌天傲企喺窗前，手中拎住枝煙


「到底你有咩目的…」凌天傲面色凝重咁望住窗外，吸咗一口煙
凌天傲估唔到會係呢個人，呢個人係佢意料之外嘅事
「凌生，咁宜家點做？」阿津企喺凌天傲隔離
「跟住佢。我都想知道…佢嚟緊會點做。」凌天傲將枝煙放入煙灰缸中，「記得唔好阿生講住。」
「知道。」阿津回答
「到底你嘅下一步，係咩呀？」凌天傲一臉嚴肅，心中默默問道，然後對阿津講，「我怕佢嘅下一步唔係咁簡單，我懷疑佢嘅目標係阿生。」
「洗唔洗派人保護凌少？」阿津嘅眉頭一皺
「要，但唔好比佢知，你知佢唔中意比人知佢屋企係黑幫。」凌天傲講道
「知道，我會叫佢地小心。」阿津點頭示意明白
喺屋企嘅凌御生將手錶除咗落嚟放喺書枱上面，拎起放喺床上嘅居家服就行去廁所沖涼


凌御生除咗上身衫，望住鏡中嘅自己，臉頰上又多咗幾去瘀青
「聽日夏巧莘見到又要心痛啦～」凌御生揚起嘴角，一諗到夏巧莘又會替佢心疼，心中就默默高興
每次夏巧莘見到佢嘅傷痕，夏巧莘都會露出一副心疼嘅模樣
明明自己唔捨得要佢心疼難受，但係偏偏好中意見到佢為自己心疼嘅模樣
…
另一邊廂，夏巧莘去咗沖涼，夏學謙坐喺梳化上心不在焉咁睇電視
夏學謙今日食晚飯嘅時候見到凌御生手上戴住嘅手錶，一眼就見得出係夏巧莘前幾日所買嘅
愈諗就愈覺得難受，喺夏巧莘身邊嘅男仔，從來都只有佢一個，但係凌御生一言不發就將夏巧莘搶走
「到底家姐中意佢啲咩…？」夏學謙無法理解，心中出現咗好多嘅疑問

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link