[愛情走糖故]兩個人心底中不為人知嘅秘密,成為兩個人間嘅牽引: 109.尷尬得被叫一聲也嚇壞

「咔…」
凌御生嘅家門突然打開，兩人來不及分開
「哎喲？」阿年插住褲袋跟喺凌天傲身後入嚟，見到呢一幕嘅時候頓時壞笑了一下，「阿傲，我地太早番嚟啦睇嚟。」
「你好…」夏巧莘頓時羞紅了臉頰，有禮地點點頭
「上次見你，都冇問你叫咩名添～」阿年坐低喺餐枱，小兩口喺廚房行出嚟，「你叫咩名呀？」
「我叫夏巧莘。」夏巧莘微笑道
阿年上下打量着夏巧莘，果然係一個標緻嘅小姑娘，中等身高，身材都唔差，皮膚白滑，同凌御生意外合襯
夏巧莘嘅身高大約係164cm，而凌御生嘅身高剛好係180cm，大約比夏巧莘高出半個頭左右
「做黑幫男人背後嘅女人要小心喔～」阿年微笑着提點道，「可係好危險㗎～」
「叔叔唔洗擔心，我會好好保護佢。」凌御生講嘅時候同夏巧莘對望着，夏巧莘頓時甜甜一笑


阿年笑而不語，點點頭，或者覺得呢個自己由細睇到大嘅後生仔終於有啲改變
食完晚飯之後，夏巧莘決定喺凌御生屋企留多一晚先走，反正宜家番到去，聽日星期日對住夏學謙全日仲尷尬
凌御生當然開心啦，但同時亦為夏巧莘而擔心
夏學謙自己一個喺屋企，心情已經夠煩
「點解我要講比佢知我中意佢呀…」夏學謙呢兩日一直都係處於後悔同反省中嘅狀態，「唔講咪冇事囉…」
夏學謙好擔心夏巧莘，唔知佢會唔會有咩事，但又諗到佢同凌御生一齊應該唔會出咩事，有凌御生睇住夏巧莘，夏學謙都放心啲
…
喺辦公室內坐着一個男人，怒火由佢心底湧出嚟
「老大，你想我地幾時再行動？」男人嘅得力助手問道，「聽日…？」
「唔好，唔好聽日，因為我諗到一樣嘢可以令成件事變得更有趣。」男人露出嘅笑容令人心寒，「星期一，星期一係個好日子…等佢地安穩咁過一個星期先啦～」


「知道。」助手點頭
「我真係想睇下你生不如死嘅樣…我要幫佢報仇！」男人拎起煙，吸了一口，雙眼中充滿了仇恨，「我真係想睇下世界變咗幾多。諗起要你親眼睇到，簡直係令人興奮。」
「老大，捉到佢之後帶佢去嗰間屋仔？」助手問道
「當然～」男人笑道，「唔洗做啲咩，用刀喺佢手腳上𠝹下就好。」
「知道。」助手恭敬地點頭
…
星期日中午，夏巧莘執好嘢準備番屋企
「我送你番去啦好唔好？」凌御生企喺門口，眼神中嘅寵溺早就滿溢了
「嗯！」夏巧莘點點頭
凌御生揸車將夏巧莘送到屋低樓下


「跟住落嚟就靠你自己啦。」凌御生微微一笑
「嗯…」夏巧莘點點頭，有啲不捨咁望住凌御生
「我地聽日仲有得見㗎嘛！」凌御生伸手摸摸夏巧莘嘅頭，然後微微彎腰低頭，喺夏巧莘嘅臉頰上錫咗一啖，「快啲番去同細佬和好啦！」
「嗯，好啦…拜拜…」夏巧莘不捨地同凌御生揮手講再見
升降機嘅門喺16樓打開，夏巧莘踏出升降機，企喺家門前猶疑緊陣間入到去要點樣先啱
夏巧莘諗起凌御生講嘅嘢：「快啲同細佬和好。」，夏巧莘喺門前深呼吸，然後用鎖匙開門
夏學謙聽到鎖匙聲，知道係家姐番嚟，即刻跑到門前開門
夏巧莘見到門「咔嚓」一聲咁開咗時嚇咗一嚇，見到夏學謙嘅時候有啲尷尬咁笑一笑
「我番嚟啦…」夏巧莘細聲講道，然後為咗避免同夏學謙更尷尬，就急步行向睡房
「家、家姐！」夏學謙叫住咗夏巧莘，夏巧莘頓時嚇咗一嚇，然後回頭望向夏學謙

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link