[愛情走糖故]兩個人心底中不為人知嘅秘密,成為兩個人間嘅牽引: 108.拜託，別離開我⋯⋯

夏巧莘猶疑咗一秒，然後就將手機遞比凌御生
凌御生笑咗一笑，因為夏巧莘遞手機比佢，證明佢信任自己
「喂…」凌御生一接咗電話，對方就先開口
「喂。」凌御生回答道
「點解係你聽㗎？」夏學謙嘅語氣完全就係表示緊自己嘅不滿，但好快又低聲下氣道，「算啦…比家姐聽，我有嘢想同家姐講。」
凌御生冇阻止，直接將手機遞到夏巧莘面前，但眼見夏巧莘一副不情願嘅樣子，凌御生再次將電話放到耳邊
「你家姐唔想聽。」凌御生直接就講，「你有咩就講啦。」
「你幾時放番家姐番嚟…」夏學謙冇為難凌御生，因為佢明白，夏巧莘仍然需要時間接受同消化
「我冇綁住佢，佢咁大個人有手有腳，但佢最遲聽晚會番嚟。」凌御生代夏巧莘回答，夏巧莘亦冇講啲咩，只係一直低頭目無表情咁食早餐
「嗯…」夏學謙嗯咗一聲，「家姐佢…仲有冇點呀？」


呢次大概係唯一一次，凌御生同夏學謙可以平靜咁對話
「冇咩特別，只係有啲迷惘。」凌御生一直望住夏巧莘講道
「咁…冇嘢啦…」夏學謙講完之後，兩人都靜咗兩秒，夏學謙就收咗線
凌御生將手機放番去夏巧莘旁邊
「佢擔心你。」凌御生講道，夏巧莘冇太大反應，只係默默點頭
夏巧莘食完之後將叉放低，拎紙巾抹嘴，凌御生自動起身執枱，拎住兩隻碟同餐具行入廚房洗
凌御生開咗水喉，拎住落咗清潔精嘅百潔布開始洗碗
夏巧莘行入廚房，行到凌御生嘅身後，默默伸手攬住佢嘅腰，額頭靠喺佢嘅背上
「凌御生，唔好離開我…」夏巧莘看似快要哽咽着講嘅一句，令凌御生更清楚呢個女仔心底嘅柔弱，令佢對呢個女仔嘅保護欲變得更強
「唔會。」凌御生只吐出兩個字


「真係唔係…？」夏巧莘再問一次，顯然係冇完全相信
凌御生閂上水喉，甩兩下手等隻手冇咁濕，然後擰轉身，手摸夏巧莘嘅柔軟嘅秀髮
「我有厄過你咩？」凌御生柔聲問道，喺佢眼中沒有一絲難受，反而多咗寵溺，「你怕我會好似夏學謙咁？當你依賴咗我，我就會走？」
夏巧莘嘅雙眼中充滿了委屈
「放心啦～唔會走，點都唔會走。」凌御生微微一笑，夏巧莘頓時靠喺佢嘅胸膛上又開始撒嬌起嚟
「嗯嗯…」夏巧莘撒着嬌的點點頭，「真係唔好走呀…我要痴住你㗎啦…」
「你要痴住我呀？咁你要喺度住先可以痴住我啦～」凌御生寵溺地伸手輕撫夏巧莘柔軟嘅秀髮
「嘻…」夏巧莘似小朋友一樣天真地笑了笑，「我以後就痴住你㗎啦！」
「你睇下你呀，我地都未正式一齊，你就咁嗲我，之後真係一齊咗點算呀？」凌御生嘅心早就因為夏巧莘嘅撒嬌而溶化了，只可以話唔寵佢都唔得
「你要番嚟搵我呀…」夏巧莘一副小鳥依人嘅模樣的靠喺凌御生胸膛，「我會乖乖等你，幾耐都等…除非有另一個…」


「喂！你又話乖乖等我嘅？」凌御生瞬間就輕皺起眉頭，心底不禁有少少生氣
「講笑咋～」夏巧莘抬頭一笑，凌御生就怒氣全消，「乖乖等你就係啦～」
「嗯，要等我呀…」凌御生低頭喺夏巧莘嘅臉頰上落下一個吻
夏巧莘微微踮起腳尖，二人又沉溺喺熾熱嘅吻中

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link