[愛情走糖故]兩個人心底中不為人知嘅秘密,成為兩個人間嘅牽引: 118.騎士救公主

阿津已經喺車上等緊佢地，阿津望住追蹤器嘅路線，即刻就踩油門飛車過去
「佢應該係去嗰度。」凌天傲嘅眉頭輕輕皺起
凌御生嘅眉頭早就深鎖着了，佢宜家只係希望夏巧莘唔會有事，希望阿津可以以最快嘅速度去到夏巧莘嗰邊
阿年果真去咗鐵皮屋，今日夏巧莘嘅臉色已經唔太好，面青唇白的，無力地微微側着頭靠喺已經褪色嘅牆上，呼吸都比起前兩日更沉重
「小姑娘，我就話佢唔會嚟救你啦。」阿年囂張起勾唇笑道，「諗太多啦你。」
夏巧莘連開口回答嘅力氣都冇，只想留着一口氣，佢知道、佢深信…嗰個男仔會嚟救佢…
「阿津，佢喺邊呀？」凌御生問道，心臟傳嚟嘅每一下起伏觸動着凌御生嘅緊張感
「佢真係去咗嗰度！」阿津講道
「咁開快啲啦！」凌御生緊握着拳頭
喺鐵皮屋之中，只有阿年同夏巧莘兩人，阿年把玩着手上嘅小刀


阿年嘅手下都企喺鐵皮屋門前守着
「冇辦法保護公主嘅騎士，只係同一個普通人一樣。」阿年冷笑一聲講道
夏巧莘睜開眼，縱使眼皮一直都想下垂
佢望住阿年一副高傲、自信嘅樣子，帶着令人由心而發的寒意，夏巧莘嘅眼中毫無畏懼，只係默默揚起嘴角微微一笑
「凌御生係我嘅騎士，係一個可以保護我嘅騎士…我知道佢係…」夏巧莘用盡力氣講道，眼前嘅景象已經開始模糊，腦袋變得沉甸甸的
呢個時候，阿津已經差唔多駛到追蹤器顯示嘅位置
凌御生已經解開咗安全帶
「我宜家就嚟救你…」凌御生心中嘅嗰團火已經冒起
騎士救公主，只係去到最後一步…
當凌御生一行人已經到咗鐵皮屋外圍嘅高牆時，夏巧莘已經昏過去，阿年命其中一個小弟將夏巧莘移到小房間中


凌天傲先落車，其中一個小弟見狀頓時行入鐵皮屋中
「老大，佢地嚟咗。」小弟對阿年講道
「嗯。」阿年揚起嘴角，「我要出去迎接佢地先得。」
阿年踏出鐵皮屋，凌天傲同阿津行喺前面，行到門前，凌御生、夏學謙同鍾家豪跟喺後面
「咦～騎士果然會嚟救公主呢～」阿年雙手插住褲袋，盯着凌御生冷笑一聲，「真係希望你地遲多少少嚟～」
「夏巧莘喺邊？」凌御生一嚟就開口問道
兩個小弟護喺阿年面前，夏學謙留意到鐵皮屋嘅窗都執死晒，兩幫人之間留着一段距離
「仲以為你同你老豆一樣冇用。」阿年講道
「你有咩恩怨嘅，咪衝我而嚟，何必要搞後生嘅一輩呢？」凌天傲仍然用着好語氣講道
「你呀你呀，晴晴死咗你好內疚呀？」阿年慢慢地收起咗笑容，「你兩父子真係一個死性…晴晴點解要死？佢有咩錯？晴晴喺下低一定好悶，搵個人落去陪佢唔好咩？」


「夏巧莘喺邊！」凌御生嘅怒火已經就嚟冇人㩒得住，已經係怒吼出嚟，感覺上下一個瞬間就已經要衝出去揮拳
「喺邊？」阿年故意拖時間，假裝不知地側着頭，「可能都差唔多落到去陪你媽媽。」
「仆街…！」凌御生嘅怒火已經冇辦法再下壓，佢直接就衝上去對阿年揮拳
阿年嘅手下當然會即刻衝出嚟保護阿年，但係阿津同其餘幾個兄弟，再加上夏學謙同鍾家豪出手更手，阿津同其餘三個兄弟一下子就同阿年嘅手下打起嚟
阿年嘅拎出小刀，反手握住小刀往凌御生𠝹去，佢嘅街動簡直係如雷不及貫耳嘅快，但凌御生好似睇穿咗阿年嘅動作一樣，迅速往後避開

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link