[愛情走糖故]兩個人心底中不為人知嘅秘密,成為兩個人間嘅牽引: 117.今天就去救她

今日只係第二日，夏巧莘嘅腿上已經有三道傷口，嫩滑嘅肌膚接觸到鋒利嘅刀鋒時瞬間輕易的被𠝹開
夏巧莘嘅雙腿什麼整個人都震緊，佢心中默默祈求，希望凌御生會嚟救佢
「你雙眼入面嗰個希望，同當年嘅晴晴好似。」阿年嘅手輕放喺夏巧莘嘅臉頰上，語氣都柔和咗好多，「但可惜，揀錯人。」
「我冇。」夏巧莘忍着痛講道，「我冇揀錯。佢唔會掉低我一個人，佢話過佢唔會離開我㗎！」
「哈…佢話過，唔代表佢會做到。」阿年冷笑一聲，「阿傲都話過佢會好好保護晴晴，結果晴晴咪又係死咗。承諾，可以代表啲咩？」
「凌御生唔係掉低我，我信佢。」夏巧莘嘅眼中沒有絲毫猶疑，只有堅決，阿年見到之後又再冷笑一聲，手起刀落，但今次唔係喺腳上，今次佢用力划一刀喺夏巧莘嘅右邊手臂上，「呀！」
夏巧莘嘅慘叫聲響遍整間鐵皮屋什麼旁邊嘅山間
外面突然吹起風，樹葉之間嘅磨擦發出「沙沙」聲，彷彿係連山間嘅一樹一木，一花一草都為夏巧莘而心疼
「佢話過…唔會離開我，所以…佢一定會嚟…！」夏巧莘對凌御生嘅信任冇因為阿年嘅一句兩句而倒塌下來，亦從未猶疑過，「你只係想我唔再信佢覺得自己揀錯人咋嘛！但無論你講咩，我都信佢…！」
「好！」阿年笑咗一笑，然後慢慢企起身，「我地拭目以待。」


夏巧莘望住阿年行出鐵皮屋離開，腿上嘅傷口滲出血，早就已經從傷口中流出嚟，小腿上已經有一塊一塊紅色嘅血跡
眼見傷口仍然流緊血，夏巧莘都唔敢亂郁，怕傷口會繼續不斷滲出血嚟，只好一直乖乖坐着唔亂郁
當夜幕再次降臨，去到夜深時，夏巧莘瑟縮喺角落，懷着害怕的心情悄悄入睡
喺社團嘅辦公室，三個男仔都冇番屋企，坐喺梳化上托住頭打盹
夏學謙攬住書包，下巴靠喺書包邊上瞓；鍾家豪嘅手肘放咗喺扶手上，一個長方形嘅抱枕放喺佢大月腿上，佢托住頭瞓；凌御生自己瞓喺兩人對面嘅梳化上，佢直接就灘咗喺上面瞓，用抱枕當枕頭靠着，翹住手咁瞓
三人明明瞓緊，但係眉頭卻不約而同咁深鎖着，就算係好細嘅聲音，三人都會好快醒過嚟，完全唔敢熟睡
阿津一直望住追蹤器嘅位置，但追蹤器郁都冇郁過
「睇嚟今晚都唔會有行動…」阿津嘅手指輕輕掐住鼻樑
阿津望住喺梳化上安靜睡着嘅三人，忽然笑咗一笑，三個男人為咗一個女人緊張到咁樣…
清晨時分，天已經開始愈嚟愈光，阿津仍然監察住追蹤器嘅去向


過咗兩秒之後，追蹤器突然開始郁起嚟
「佢有行動啦！」阿津激動咁企起身，因為終於見到追蹤器郁
本來就冇熟睡嘅三人，特別係凌御生一秒就清楚過嚟，一啲床氣都冇，大步行到去阿津旁邊
「有行動啦佢？」凌御生盯着螢幕
「係咪有消息啦？」夏學謙都緊張咁行到阿津旁邊
「但係佢係咪去嗰度？」鍾家豪輕皺起眉頭
「跟住佢先。」凌御生講道
「阿津你去攞車先。」凌天傲從走廊行入嚟
凌御生熟手咁就行去書櫃前蹲低，打開下面嘅櫃桶，搵到喺暗處嘅一個暗格機關，書櫃慢慢移開
凌御生行到去書櫃旁邊嘅暗門前，推開暗門，喺架上拎咗三把短刀落嚟，一把自己袋住，另外兩把比鍾家豪同夏學謙


「袋住旁身。」凌御生講嘅同時，夏學謙同鍾家豪將短刀收好
凌天傲習以為常地喺外套嘅暗袋中放咗手槍

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link