[愛情走糖故]兩個人心底中不為人知嘅秘密,成為兩個人間嘅牽引: 161.禮物

去到星期二嘅朝早，喺巴士嘅上層，凌御生依舊走向夏巧莘，喺佢身邊嘅位置坐低

夏巧莘見到凌御生嘅第一件事，係打開放喺大腿上嘅書包，喺書包中搵嘢

凌御生有啲疑惑咁望住夏巧莘嘅舉動，正當凌御生開口想問夏巧莘搵緊咩嘅時候，夏巧莘喺書包入面拎咗個細嘅紙袋出嚟遞比凌御生

「送比你㗎，預祝你聖誕快樂。」夏巧莘露出甜美嘅笑容

「咩嚟㗎？」凌御生接過紙袋好奇地問道



「你打開睇下～」夏巧莘微笑道

凌御生預心翼翼咁將膠紙撕開，抱着期待嘅心情打開紙袋

「變調夾？」凌御生打開紙袋，見到紙袋入面放咗一個銀色嘅結他專用變調夾

「佢唔係一個普通嘅變調夾。」夏巧莘喺紙袋中拎出變調夾，遞比凌御生睇，「係刻咗你個名嘅變調夾！」

「你特登刻㗎？」凌御生一臉心中驚喜萬分，接過變調夾睇完又睇



「當然～」夏巧莘自豪地點頭

「你嘅聖誕禮物未咁快又，差唔多Okay。」凌御生喺夏巧莘嘅臉頰錫咗一啖

「好呀～」夏巧莘甜甜地笑起嚟，點一點頭

凌御生將個變調夾放番入紙袋入面，然後收入書包放好

「我下次見你個結他嗰陣，要見到你到佢夾喺你個結他上面㗎！」夏巧莘對凌御生下命令



「今日放學一番到去就夾起佢。」凌御生笑起嚟

夏巧莘嘅笑容一直都係咁好睇，由凌御生喺酒吧第一次見到佢開始留意佢之後，一直都係咁覺得

番到課室嘅時後，見到鍾家豪已經坐咗喺課室

「今日你咁早嘅？」凌御生行番埋位嘅時候都不忘揶揄兩句，行到去鍾家豪前一個位嘅時候先見到，原來鍾家豪做緊功課，「做功課？聽日都Christmas party啦喎。」

「係今日Miss Lui要我補交呀！」鍾家豪望咗凌御生一眼，又耷低頭努力做功課

「咁你加油啦～」凌御生一臉悠閒

「咁悠閒，你練好歌啦？」鍾家豪問

「今日番去再練多幾次就得。」凌御生將書包放到桌上



「聽日Christmas Party完咗之後你先番去拎結他呀？」鍾家豪瞄咗凌御生一眼

「嗯。」凌御生點一點頭

「聽日Good show啦！」鍾家豪笑了笑

凌御生忽然記起啲咩一樣，喺褲袋拎出手機

「你聽日完咗Christmas party之後去邊？」凌御生喺WhatsApp問夏巧莘

喺隔離課室嘅夏巧莘剛好同嘉怡講緊聽日放咗Christmas party之後去邊度好

「等等。」夏巧莘對嘉怡講咗一句，然後拎出手機睇



「啱啱就同嘉怡講緊啦～你點解要特登wts我？明明就可以過嚟問」夏巧莘回覆道，無奈咁笑咗一笑

凌御生見到夏巧莘嘅回覆之後笑咗一笑，將手機塞入褲袋，企起身離開座位，行出課室走到隔離班

「夏巧莘。」凌御生企喺夏巧莘嗰班嘅課室門口

夏巧莘見到凌御生之後不禁低頭甜甜一笑

「人地嚟搵你啦～」嘉怡笑着揶揄道，即刻撞一撞夏巧莘嘅手肘

「知啦知啦！」夏巧莘細聲咁一邊講一邊企起身行出去課室

夏巧莘行出課室，同凌御生企喺走廊旁邊嘅位置，避免阻到其他人行過

「聽日你放咗之後點呀？」凌御生問道，「因為聽日我放咗之後同鍾家豪要整嘢，陪唔到你。」



「唔緊要呀～我聽日同嘉怡應該會去睇化妝品～」夏巧莘高興咁講

「果然女仔都係離唔開化妝品…」凌御生無奈咁笑道，「咁你有活動就好啦，咁聽日就夜晚再見啦～」

「好呀～」夏巧莘笑起嚟講道，「咁…我番去先啦，晏就一齊食lunch好唔好？」

「好，你點話點好。」凌御生點點頭，笑了笑

夏巧莘番到入課室之後，嘉怡即刻笑住望佢

「佢問我聽日放咗學之後有咩做，話陪唔到我咋！」夏巧莘望到嘉怡嘅笑容都知佢想講咩，即刻就講道

「甜死人啦～」嘉怡笑了笑道，「睇下佢幾在意你呀～」




最 後 倒 數 5 集

IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link