[愛情走糖故]兩個人心底中不為人知嘅秘密,成為兩個人間嘅牽引: 164.聖誕卡

係夏巧莘嘅WhatsApp訊息

Ella BB：見你冇搵我，估你忙緊，不過忙還忙，唔好太夜瞓呀！注意休息

凌御生見到之後心裏頓時洋溢著暖意，有人提着自己、在意自己，原來係一件咁幸福嘅事

Aaron BB：知道～

…



翌日12:30

中六生嘅最後一個Christmas party完美地落幕，各班都爭取時間影相，喺最後一個喺中學過嘅聖誕節給定格

「拜拜～今晚見～」

「拜拜～」

「嘉怡，等等我…」夏巧莘一邊孭起布袋一邊講道



今日係Party，所以夏巧莘冇孭書包，用咗一個布袋就算

「嗯，好呀～」嘉怡企喺夏巧莘隔離

「行得啦～」夏巧莘笑了笑講道

夏巧莘同嘉怡一齊離開位行出課室嘅時候，鍾家豪同凌御生喺出面經過

「呀！未比卡佢兩個呀！」夏巧莘突然記起琴晚佢寫咗嘅聖誕卡



最後一年嘅聖誕，當然要寫聖誕卡比大家啦～夏巧莘頓時拉起嘉怡嘅手就跑出去

「生！」夏巧莘拉住嘉怡跑出課室，一下子就叫停咗凌御生

凌御生停低回頭望向夏巧莘，佢停低嘅同時鍾家豪都停低落嚟

「做咩呀？我今日要同鍾家豪—」「我未比聖誕卡你地！」

凌御生都未講完，夏巧莘已經打斷咗佢，然後喺袋入面拎咗兩張聖誕卡出嚟遞向二人

「多謝校花～」鍾家豪接過聖誕卡

「多謝～」凌御生接過聖誕卡，望住夏巧莘溫柔一笑

「我地行先啦～番去要好好睇晒成張卡呀！」夏巧莘拉住嘉怡行，行咗兩步又回頭望向凌御生，甜甜一笑



夏巧莘同嘉怡先離開學校，去到佢地想去嘅甜品店，搵咗個位坐低，今日佢地嚟係食甜品放題，所以喺Party上佢地都冇食好多嘢

兩個人拎住餐牌睇咗兩睇，然後就喺落單紙上剔剔剔，交咗比侍應

「巧莘呀～」嘉怡突然叫仲睇緊餐牌，已經諗緊第二輪食咩嘅夏巧莘，夏巧莘聽到嘉怡叫佢，便抬起頭望嘉怡側一側頭，「你呀，中意佢啲咩？」

「點解突然咁問嘅？」夏巧莘合上餐牌，將餐牌放喺隔離，低頭笑了一笑

「都唔係突然㗎啦！之前見你兩個好friend咁已經想問。」嘉怡坦白地講道，「但你又冇話係同佢一齊，咁宜家你地公開咗啦嘛～咁咪好奇問下囉～」

「中意佢啲咩呀…」夏巧莘托住腮細聲咁重複一次嘉怡問嘅問題，「我諗可能係因為佢比我嘅安全感掛…日久生情啦！」

「你細佬竟然比佢埋你身呀？」嘉怡一臉驚訝



「哈哈…佢一開始都唔比，佢超唔中意凌御生，不過後來…」夏巧莘諗起夏學謙一步一步地改變對凌御生嘅態度，「佢又慢慢咁接受咗。」

「你細佬係姐控嚟㗎嘛！你中意嘅佢又點會唔比？」嘉怡笑言

「佢都係因為我中意，所以接受…」夏巧莘微笑道，夏巧莘留意到侍應拎住佢地點嘅甜品嚟到，「甜品到啦～快啲試快啲試！」

鍾家豪跟住凌御生一齊番到屋企，凌御生一到屋企就將書包掉喺梳化，行入房拎結他，大門都冇閂上

「點解我要跟埋你一齊上嚟？」鍾家豪閂上大門，然後扶住隔離嘅櫃除鞋

「反正你番到屋企都係一個人對住四面牆㗎啦！」凌御生理直氣壯地道，然後喺房拎住結他出嚟

「個夾新買㗎？」鍾家豪留意到喺結他上嘅變調夾

「係呀～」凌御生坐喺梳化上面，「夏巧莘送㗎～」



「一提起人就笑得咁開心，幸福啦宜家～」鍾家豪攬住個抱枕，頹廢咁坐喺梳化上面

「你一提起夏巧莘…」凌御生講完之後就喺書包入面拎咗夏巧莘喺放學嗰陣比佢嘅聖誕卡，「佢叫我番嚟睇，宜家睇咗先～」


最 後 倒 數 2 集

IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link