《毒L和初戀相識的日子》: 第一章 開學日

「陳旭祖，起身喇！！」
我看看鬧鐘，已經八點。
梳洗過後，就出門了。

因為DSE考得麻麻，所以讀書嘅選擇唔多，於是就揀咗I大兩年制嘅HD。

今日係第一日番，之前乜迎新日之類都冇去，唔知今次識唔識倒人呢。中學戈時已經成日比人話係毒男，希望可以識多啲朋友。

上咗巴士，聽住歌，好快就去到I大了。



課室係121室, 我準時九點半入到去，得三個人坐喺度。都係，九半堂，有邊個咁乖會準時吖。

我搵咗個最後排窗口位嘅二人位坐低，放咗個袋喺隔離張櫈，跟住有個阿sir入咗嚟。

「嘩，得咁少人嘅，我地班有三十人㗎喎。」

「唔緊要啦，大家出嚟拍卡先。咁我都做番個介紹先，我係你地今年嘅班主任梁sir, 咁大家都第一日番學就處理吓班務同埋講吓我地I大嘅規距。。。(下刪10000字)」

梁sir一路講，陸續都有人入嚟。
不知不覺間，班房坐滿約七成，不過都冇人坐我隔離。


「果然係毒L」 我心想。

班上男女比例約6:4
之後，又有人開門入嚟。

「Hi, 我可唔可以坐呢度呀？」一個女仔問我。
「可以呀」 我即刻拎開個袋。

個女仔真係好靚，一頭淺啡色長髮，化咗淡妝，着住件黑色T-shirt同牛仔短褲，鞋就係一對白色嘅N字頭牌子。



「明明仲有咁多空位，點解坐我隔離呢...」我心想。

「你好呀，我叫Winnie，你叫咩名？」

「Hello... 我...叫Joseph」

「Hi Joseph，唔介意做個朋友？」

「好阿 Winnie」

梁sir一直講，然後話:「我地要選兩個班長，一男一女，有冇人自薦呀？」

全班冇人理佢。

「咁有冇人推薦呀？」



繼續冇人理佢。都正常吖，大家嚟自五湖四海，互不相識。

「咁我唯有叫兩個名出嚟。」

「放心啦，今年做咗出年唔洗做，仲會record喺大家張cert度。」
「第一個抽男仔先啦，拿我隨機抽㗎昨。黃希俊，有冇黃希俊同學？」

冇人應佢，都唔知係唔想理定真係唔喺度。

「冇辦法啦，咁抽第二個。」
「陳旭祖同學。」

「我頂，咁都中？」我心想。
我舉手回應。



「麻煩你出嚟。」
我唔情願咁行出去。

「男班長，麻煩你點一位女同學出嚟。」梁sir拎張點名紙比我。

「唔好掛，推個波落我度？」 我心想。

「快啲啦，把握時間。」
 
「okok，咁 王泳琪同學啦」

Winnie 行咗出黎。
「有冇咁啱...」我心想。
「大家拍手歡迎我地嘅男女班長啦。」



就係咁，我同Winnie就做咗男女班長。





老實講，中小學一次班長都未做過，今次都算係新挑戰，新嘗試。