第二章 認識

「麻煩你地開番個Whatsapp群組,學校有啲咩會通知你地,之後你地再通知群組。」梁sir同我地講。

「ok! 」
之後,我地番埋位。

「唔好意思呀,亂叫都叫倒你。」
「唔緊要呀」
「我地傳張紙比人寫電話,再開Group?」Winnie問。


「好呀。」

話咁快就落堂,下晝二至五有堂全人發展,完全唔知咩嚟。
「不如一齊食飯?」Winne問。
「好呀,去邊度食?」
「Canteen好唔好?」
「都好。」

落到Canteen, 人山人海。我同Winnie買完飯,坐咗喺一張枱嘅一邊。之後,有一男一女行咗埋嚟。



「我地可唔可以坐呢度阿?」個男仔問。
「可以呀。」Winnnie同我回應。
「唔該哂阿男女班長。」
咦,即係自己友喎。
「我叫阿Paul阿,佢係晴晴,我女朋友。」
「你地好阿。」
「一陣科全人發展唔知咩嚟呢。」Winnie問。
「好似有game玩,講吓道理咁,我個friend 之前讀過。」 晴晴回應。
「好過理論科,唔會悶,又可以識倒新朋友。」Paul回應。
「咁就好。」



時間去到兩點,我地準時去課室等。

一個年輕嘅阿sir入咗嚟。

「大家好呀,我叫Billy。呢一科要大家分組,五至六人一組,大家分咗先,之後每堂都按番組坐。」

「我地四個一組?」Paul問。
「好阿。」Winnie同我回應。
「仲差一個喎...」晴晴話。
呢個時候,有個女仔行埋嚟。佢樣貌一般,扎咗頭髮,冇戴眼鏡,着白色T-shirt同長運動褲,鞋係一對黑色A字頭牌子。
「Hey guys, 可唔可以Join你地?」
「緊係可以。」Paul笑笑口咁回應。
呢個時候晴晴恨恨咁打咗阿Paul一下。
「你叫咩名呀?」Winnie問。


「我叫Mandy阿,你地可以叫我家怡。」
「你好阿,我叫Winnie。」
「我係晴晴。」
「我叫阿Paul。」
毒L永遠唔敢出聲... 要人問先敢講嘢。
「咁你呢?」家怡問。
「我.. 我叫Joseph。」


感覺今年將會係有趣嘅一年。
已有 0 人追稿