《毒L和初戀相識的日子》: 第十一章 勇氣

第十一章 勇氣

話咁快就番咗I大一個月。我同Winnie基本上每日都一齊番放學。Winnie有時會走吓堂，而阿Paul同晴晴一樣咁sweet。

今日係Week6嘅星期一。上畫又係班主任梁sir堂，下晝係全人發展。

「下星期一由你地兩位班長負責買pizza番嚟啦，到時我比張卡你地去碌。」梁sir同我地講。

10月先食開sem飯，咩玩法...



「到時你地搵多幾個人幫手拎嘢。」

「ok。」我同Winnie回應。

「我去廁所先。」Winnie同我講。

「好。」

呢個時候，阿Paul同晴晴行咗埋嚟。



「Joseph哥，你進展成點？」阿Paul問我。

「你講咩進展？」我一頭霧水地回應。

「頂你，好明顯講緊你同Winnie啦。」

「你一啲都唔上心架。」晴晴對我講。

「冇阿，都係咁啦。」



「其實你當人傻㗎咩，人地擺明都feel倒。」晴晴回應。

「唉，你好自為之喇。錯過咗，唔好喊。」Paul回應。

「星期六得唔得閒阿，Joseph？」晴晴問。

「做咩？」

「星期六係晴睛生日。想約你地一齊食飯唱K慶祝，順便比機會你地呀。」Paul回應。

「我可以阿。」

「咁交比你約Winnie喇。」晴晴話。

又射個波落我度。



「你地傾乜嚟？」Winnie去完廁所番嚟問我。

「我地... 我地... 冇乜嘢。」

「真係冇嘢？」

「um... 佢地... 話... 想約我地食飯唱K, 星期六。慶祝晴晴生日喎。」我吞吞吐吐地回應 。

「星期六，我可以阿。」Winnie微笑咁講。

「咁就好。」

約女仔出街，對毒L嚟講要好大勇氣，問完之後我仲未驚完。








男人總要有勇氣，先會成功。