《毒L和初戀相識的日子》: 第十二章 優點(上)

第十二章 優點(上)

到下晝，又係Billy sir嘅全人發展堂。

「大家午安, 今日我地就玩一個遊戲，叫守護天使。一陣兩個人一組，最好係揀一啲自己唔熟嘅同學啦。有組之後就主動同對方傾吓計。」

「總共有兩round嘅，每round 15分鐘。30分鐘之後，出嚟講吓你個拍擋嘅優點同埋你喺佢身上覺得值得學習嘅地方，每人講兩分鐘，計分嘅。」

「冇問題就可以企起身搵拍擋啦。」Billy sir對全班講。



「男班長，不如我地一組囉？」Winnie問我。

「好阿，Winnie。」我回應。

至於其他嘅分組配搭係: 阿Paul+晴晴，Jenny+阿俊，家怡+Chirsty

好明顯，班上嘅人都揀咗同熟嘅人一組。

「大家可以開始傾喇，主動啲喇各位。依家計時。」Billy sir同全班講。



「你覺得我有咩優點，男班長？」Winnie問我。

「Er.... er.... 我覺得...妳...」

「要諗嘅即係唔係真心啦。」

咁我講嘢唔叻吖嘛。

「識咗咁耐一個都講唔倒？」Winnie 失望地講。



「我覺得妳... 妳好善談，對住唔同嘅人都可以好順利咁溝通，呢樣係我做唔倒。」

「仲有呢？」Winnie嘅表情由失望轉為微笑。

「Er... 妳好靚。」

「乜你咁膚淺㗎，雖然係事實。」

「仲有妳好樂於助人，例如戈次見我英文唔掂，就主動話會幫我。」

「算你啦。」Winnie好滿意咁講。

「依家round 2, 大家可以換人喇。」Billy sir話。







每個人都會有優點，有時自己都發掘唔倒。