《毒L和初戀相識的日子》: 第十七章 熟落

第十七章 熟落

旺角呢個地方，除咗去過幾次網吧，信和，先達之外，都唔知仲有D咩。

「旺角我唔熟路呀，妳想食咩？」我問Winnie。

「你跟我嚟啦，男班長。」

我地行咗去登打士街嘅一幢大廈。





「吓，我地上呢幢大廈？」

「你諗乜衰嘢呀，男班長？」

「上面有餐廳咩？」

「上去喇，我朋友個家姐開嘅樓上cafe。支持吓佢。」

「好啦。」





我地上到去，係一間燈光昏暗，冇乜客嘅cafe。入面播緊歌。

「Hello呀泳琪。你地兩位？」Winnie朋友家姐問。

「係呀。」

「隨便坐，我拎menu比你地。」

「唔該。」





我同Winnie坐咗張四人枱，對住坐。Winnie朋友家姐拎menu埋嚟，之後同Winnie喺度竊竊私語，有講有笑，我完全聽唔倒佢地講乜。

「你地頭先傾乜嚟？」

「唔知呢~」Winnie笑住咁回應。

「叫嘢食囉，不如叫一個煙三文魚意粉，再加一個芝士煙肉pizza，我地share食，好唔好？之前食過，極度推介。」

「好呀，信你喇。」

叫完嘢食之後，開始同Winnie傾計。

「係呢，男班長你幾時生日？」

「六月十號。咁妳呢？」





「十二月十號。到時要送生日禮物比我呀。」

「一定一定。」

「咁你有冇玩ig呀? 」

毒L連咩係ig都唔太知又點會有。

「ig? I-Phone出咗新型號叫 I-Phone G 咩？冇阿，我用開Android 機。」我故意哄Winnie笑。

「你個get... 一啲都... 唔好笑囉。」Winnie大笑地講。

「拎部電話幫你download 喇。」Winnie對我講。





「好。」

「名就叫joseph_cyc啦。」

「嗯。」

「拿，互follow咗喇，你可以睇我D相。記得比like喎。」

「點用㗎？」

「㩒張相下面個心心，就比倒like㗎喇，自己研究吓啦，男班長。」

cafe入面播緊周杰倫首《開不了口》 。

「就是開不了口讓她知道

就是那麼簡單幾句我辦不到。」

其實，我應該幾時先同妳講呢？我仲喺度煩緊。

食飯嘅途中，一直都係播一啲香港或者台灣歌。

「走囉，就快十點。」Winnie同我講。

「好。」

番到屯門之後，我地喺巴士站告別。









同妳嘅關係漸漸熟落起嚟。