《毒L和初戀相識的日子》: 第二十章 緊張

第二十章 緊張

「男班長呀，其實呢... ...」 Winnie似乎有啲野想同我講。

(妳要離開 我知道很簡單 妳說依賴 是我們的阻礙) 突然我個電話響起嚟。

「妳等我聽個電話先。」

「喂。」



「喂，你今晚番唔番嚟食飯㗎？」係老母打嚟。

「咪講咗通宵囉。」

「係喎，唔記得咗添，咁冇嘢喇，拜拜。」

「拜拜。」

「Winnie，妳頭先想講咩？」



「嗯，冇嘢喇。」Winnie表情有點失望。

「唔好咁啦，有嘢咪講囉。」我回應。

我地行到去彌敦道豐十字路口，Winnie突然停下腳步，好嚴肅咁望住我。

「男班長呀，其實呢，你覺得我份人點？」

無啦啦咁問我都唔知點答。



「妳份人點？之前上全人堂都講過啦~」我回應。

「咁頭先套戲，你覺得男女主角會唔會喺埋一齊呢？」Winnie望向我講。

「我覺得會嘅，咁多年之前嘅承諾，男主都有兌現。咁女主都會覺得感動。」我回應。

點解我覺得今日嘅Winnie同平時有啲唔同嘅....

「咁，你會唔會同中意嘅女仔表白？」Winnie個樣有少少難為情。

此時人來人往，車來車往嘅彌敦道就好似得番我地兩個咁。

「我...」

我個心卜卜咁跳，覺得好緊張，同埋個腦一片空白。








個心未試過跳得咁快。