《毒L和初戀相識的日子》: 第二十一章 時間

第二十一章 時間

雖然Winnie冇直接問，不過我都估倒佢想表達啲咩。

自己真係對Winnie有好感，不過唔想貿貿然開始。始終覺得再相處多一段時間會好啲，但係時間又唔等人。

突然諗起中學時期發生喺我朋友嘅經歷。

戈時有個同班朋友，男仔嚟嘅，Form 6戈年喺自修室溫書，竟然比佢識倒個女仔。



佢地出咗幾次街就一齊咗。不過，唔夠一個月就散咗，原因好似係性格不合。

所以唔事先了解對方，就盲目咁喺埋一齊，最後得到嘅只係一段短暫嘅愛情。相反，我想要嘅係一段長久而穩定嘅愛情，唔想玩玩吓。

諗咗一陣之後，我都係決定想要多啲時間，可以了解多啲、相處耐啲。

「我會㗎。不過係要同佢相處耐啲，大家了解多啲先囉，而唔係盲目咁一齊。」我認真地對Winnie講。

「原來男班長對感情咁認真。」Winnie面上露出真誠嘅笑容。



「仲飲唔飲嘢㗎？」我問Winnie。

「要你請我飲。」

「好呀，冇問題。」

去到一間外賣形式嘅飲品店，我排隊買珍珠奶茶，而Winnie就企埋一邊㩒電話。

「拿，買咗喇。」



「多謝喎，男班長。」Winnie接過杯飲品。

我地慢慢喺條街度行，沿路都人山人海。行到去西洋菜南街行人專用區，現場好熱鬧。我地聽倒有隊band喺度唱《海闊天空》，於是停下腳步留心咁欣賞。

「又唱得幾好喎。」我同Winnie講。

「係囉，我都覺。」Winnie回應。

我地慢慢行番去漢和樓下會合番阿Paul同晴晴，之後就上去食嘢。

食到中途，Winnie拎咗份生日禮物比晴晴。

「係我同男班長一齊送比妳㗎。」

「嘩，多謝你地。」晴晴回應。



「唔洗客氣。番去先拆嚟睇啦。」

「好呀。」

細心嘅Winnie竟然包起埋份禮物。

食完之後，下一站係去創興間Neway。我地將會唱通宵。






我需要一啲時間。