第三十一章 距離

「講個秘密你知吖。」Winnie突然同我講。

「咩秘密~?」

「其實呢,我同你住埋同一座。」

「吓?你一早就知?」我驚訝地問。



原來真係咁。不過出入都冇撞過。

「我好早就已經知。不過戈陣同你未熟,我都冇諗住同你講。所以呢,我地之後約出嚟可以約喺樓下等。」

其實巴士站同樓下嘅距離50米都冇...

「咁妳住幾多樓?」

「我住九樓囉。」



「咁啱,我住十樓。不過我地好似冇撞過?」

「有阿,不過你見唔倒我咋麻!」

毒L行路望地下嘅多,留意唔倒都正常。

我地到咗樓下大堂,就分開搭lift喇。

「聽日見喇,男班長。」



「嗯。」我向住Winnie搖手。

升降機的門慢慢地關上。

我番到上去,沖吓身就瞓咗喺床,不斷咁沉思番今日所發生嘅事。

全人堂,巧合之下同Winnie講咗句 「我... 想妳... 做... 我... ... ... 女朋友... 呀。」

雖然係遊戲入面講,不過始終係自己真心話。唔知Winnie聽完有咩感受呢。

「所以話咗你,明明咁中意Winnie,又唔去馬。一陣真係有其他男仔追佢,你到時冇人可憐。」

今日阿俊同我講嘅呢句說話,再加上自己個心又唔舒服,所以就決定同Winnie講自己嘅心底話。

「你唔介意吖嘛,男班長?聽講今日有人見倒我同男仔一齊放學,個樣即刻頹哂喎。」



Winnie咁都收倒風,真係服咗佢。其實唔經歷過都唔知自己真係會介意。

正當我不斷回想今日嘅事,Winnie突然Whatsapp我。

Winnie傳來一則信息。
喂,你10月21(下星期三)夜晚得唔得閒?(23:55)

唔知佢搵我做咩呢?









同你住嘅距離咁近,可惜我地卻仍有一段距離。
已有 0 人追稿