《毒L和初戀相識的日子》: 第三十三章 學習

第三十三章 學習

「印象，我應該要有咩印象？」

「你唔記得就算啦，呢啲嘢等你地自己去發掘啦。」

媽子，我完全都唔知你講緊乜。

到星期六，下畫兩點Winnie send咗Whatsapp比我。



「男班長，我上得嚟未？」(14:01)

我回覆
「ok喇妳上嚟啦。」(14:02)

第一次有女仔上嚟屋企，心情都難免有啲緊張。

分幾鐘之後，有人㩒我屋企個門鐘: 叮噹

我打開門，眼前就係拎住好大疊notes嘅Winnie。佢同平時去街或者番學一樣，都有打扮過先上嚟。


Winnie除低鞋，就行咗去客廳。我地一齊坐咗係梳化，而梳化前面有張細枱。

「㩒多notes嘅。」我埋怨地講。

「你係咪想retake先？」Winnie反問我。

「唔想囉，又哂錢又哂時間。」

「咁你一陣同我認真啲！」



「好啦。咁妳想喺廳定喺房同我練Speaking？」

「喺廳得啦。我點知你會唔會諗啲咩衰嘢㗎？」

「你咁睇我嘅。我先唔係戈啲人...」

「好喇，要開始喇！首先由最基本嘅講起啦。開場白要背咗佢。例如咁:Good morning, today we are going to discuss.....」

唔知係Winnie教得好定我掌握得快，一個幾鐘之後我已經掌握哂Speaking基本對答，同埋Winnie已經認證咗我，只要我保持表現，EA就會合格。

「唉，好攰呀！」Winnie對我講。

而我都好識做，喺雪櫃拎咗盒朱奶請Winnie飲。

「請妳飲喇。」



「多謝喎。」

「係呢，我想入你間房睇吓，得唔得？」Winnie突然問我。

「可以阿。」

其實都冇乜特別嘢好睇。

我地兩個入咗去，房門半開半掩。

「嘩，估唔倒你都會執房㗎喎。」Winnie驚訝地講。

「係呀，我唔中意亂~」



其實係我知Winnie上嚟，琴晚特登執乾淨，因為想比個好印象佢。

正當Winnie繼續睇緊我間房嘅環境嘅時候，屋外突然有人㩒咗兩吓鐘: 叮噹叮噹

我同Winnie互相望住大家，之後......








知識上嘅學習固然重要，不過做決定上嘅學習都好重要。