《毒L和初戀相識的日子》: 第三十四章 願望

第三十四章 願望

我同Winnie互相望住大家，之後有人喺出面叫入嚟:「抄煤氣，抄煤氣。」

乜星期六都有人嚟抄煤氣。

我出去睇個錶嘅讀數，然後Winnie繼續留喺我間房度。我報完個數比抄煤氣戈個人之後，我入番房，Winnie坐咗喺張電腦櫈，睇緊我啲相。

「男班長，原來你去過台灣㗎？仲去放天燈添。」Winnie指住其中一張我放喺電腦枱嘅相。



「係阿，中五戈年同屋企人去。」

「咦，咁你戈次許咗咩願？」

「Um... 都係戈啲啦。身體健康之類。冇乜特別。」

「你就好啦，我都好想去台灣，好想放一次天燈。」Winnie好渴望咁講。

「妳儲吓錢先啦，出年summer sem之後咪可以去囉。」



「你同我去？」Winnie表情有啲奇待。

「叫埋阿Paul、晴晴、阿俊、Jenny，睇吓佢地有冇興趣囉。」

「嘩，咁咪全部情侶檔？」Winnie好興奮咁講。

「唔好講咁遠先啦，不如我地去一次離島旅行吖，一班人咁。」

「都好喎，我約吓佢地先。」



「靠妳喇。」我回應。

我望吓個鐘，老母應該差唔多番。

「咁妳走未？我屋企人應該就快番。」

「乜你趕人走㗎？」Winnie唔情願咁講。

「唔係阿。多謝妳今日幫我補吓啲英文呀，點報答妳好呢....」我猶疑地講。

「如果你想多謝我嘅，不如你應承我幫我實現一個願望吖。無論係啲咩，你都唔可以拒絕我㗎。」Winnie認真地講。

「好阿，咁想我幫妳實現啲咩？」

「嗯，我諗倒先同你講。永久有效㗎，男班長。」Winnie好興奮咁講。



「好啦。」

「算你啦，咁我走喇。」

我送Winnie出門口。

「洗唔洗送妳番去？」我問Winnie。

「你玩嘢咩？我住你樓下咋！」

「哈哈，咁星期一朝早見啦。」

「拜拜！」



「拜拜。」

經過今日，不但我英文說話嘅技巧有所提升，而且同Winnie嘅關係亦都越嚟越好。






我嘅願望係可以一直同妳一齊。