《毒L和初戀相識的日子》: 第四十章 摩天輪

第四十章 摩天輪

我帶Winnie搭地鐵到中環，行到去海濱長廊。戈度有一個開咗差唔多一年嘅摩天輪，而依個就係我想帶Winnie嚟嘅地方。

「原來你帶我嚟坐摩天輪阿？」Winnie微笑着問我。

「係呀，去買飛先。」我回應。

雖然都要成$100 一張飛，不過係值得嘅。



買完飛之後，我同Winnie登上摩天輪。今日係星期三，嚟坐摩天輪嘅人唔多。一個車廂最多坐倒八個人，最後係唔爆嘅，我同Winnie就同埋一對後生嘅外國情侶坐埋同一個車廂。

車廂慢慢地向高空移動，Winnie好開心咁欣賞緊窗外嘅景色，同埋用電話影低。

「風景好靚呀，我都末坐過添。多謝你帶我嚟呀。」Winnie笑着同我講。

「妳開心就好喇。」我回應。

「不如我地影張相囉，男班長？識你咁耐我地都未合照過。」Winnie問我。



「好呀。不如叫佢地幫我地影？」我望住戈對外國情侣嘅方向。

「好呀，靠你問喇。」

「Excuse me, can you help us to take a photo， please?」我用我能力有限嘅英文問戈對外國情侶。

「Sure.」外國男仔爽快地回應。

之後我拎咗部電話比佢，而我就同Winnie坐埋一齊，面向鏡頭。



「Hey, sit closer to your girlfriend.」個外國男仔同我講。

我都想Winnie係我girlfriend.

「okay.」我回應。

我坐得更加貼近Winnie, 而Winnie就喺度笑我。

「Okay. Ready, three, two, one. One more, three, two, one.」

個外國男仔連續幫我地影咗兩張相。之後，佢比番個電話我。

「Thank you.」我對佢地講。

「You are welcome.」



「你send番張相比我吖。」Winnie對我講。

「好阿，依家send.」我回應。

約三個字之後，摩天輪轉咗兩個圈落番地面。

「風景好靚呀，多謝你帶我嚟。」Winnie對我講。

「大家咁熟有乜所謂吖。」我回應。

「我地要出發左九展喇。」Winnie講。

「好啦。」



我地行番去地鐵站搭去九龍灣，去到旺角轉車。當我同Winnie喺月台等緊車戈時，突然有人喺我後方拍我膊頭。






「東歪西倒 忽高忽低
心驚與膽戰去建立這親厚關係」