《毒L和初戀相識的日子》: 第四十一章 睇show

第四十一章 睇show

「乜咁啱呀，咁都撞倒你地。」有一把女仔聲喺後面同我講。

我向後望，原來係Jenny同阿俊。

「係囉，咁啱嘅。」我驚訝地回應。

「你地去邊呀？」阿俊問我地。



「去九展睇IU 個 showcase 呀。咁你地呢？」Winnie回應。

「我地啱啱行完朗豪坊，依家番屋企。」Jenny回應。

呢個時候車嚟喇，我地一齊上車。

「咦，咁你地住邊㗎？」我問。

「我住黃大仙，Jenny住慈雲山。」阿俊回應。



「等等先，你地咩事，一齊去睇IU嘅？」Jenny突然插嘴問我地。

「係喎，終於夠膽行動喇，Joseph?」阿俊和應。

「我... 我...」我唔知點回應佢地。

「唉，你地唔好玩人啦。」Winnie嘗試幫我解圍。

「好啦，你地一陣睇得開心啲喇。」Jenny回應。



「嗯。」

約十分鐘之後，車到咗黃大仙。

「我地落車喇，唔阻你地，拜拜。」Jenny對我地講。

「拜拜。」

我同Winnie到咗九龍灣之後，行咗去德福坐shuttle去九展。

我地到咗九展之後，喺入面行咗一陣，周圍睇吓嘢。有好多IU嘅海報貼咗喺牆，Winnie都有影相。

到咗七點半左右，開始放人入場喇。我同Winnie入去，搵啱自己個位就坐低，位上面有一啲應援物品。

「男班長，你之前話聽開IU啲歌，咁你聽過邊啲？」Winnie問我。



「You&I阿，Friday阿，仲有Pitiful囉。」我回應。

「果然識嘢喎。」

「咁妳呢，妳又聽開邊D?」我反問Winnie。

「我... 唔好講住喇，開始喇。」Winnie回應。

今晚個showcase正式開始。IU喺台上唱咗今晚第一首歌之後，佢終於同我地歌迷打招呼。

「你地好呀。」IU盡力用粤語同我地歌咪講。

「飲淡水先。」隨即，IU拎咗一枝水嚟飲，真係可愛。



接着，IU連續唱咗好多首歌，之後就嚟度今晚最精彩嘅部份喇。

IU講咗一堆我唔明嘅韓文之後，翻譯員就幫手翻譯:「今晚我準備咗一份禮物送俾大家，希望你地會鐘意啦。」

接着，熟悉嘅音樂前奏響起，係一首好熟悉嘅歌嘅前奏。

「忘掉種過的花 重新的出發 放棄理想吧
別再看塵封的囍帖 你正在要搬家
築得起 人應該接受 都有日倒下
其實沒有一種安穩快樂 永遠也不差

就似這一區 曾經稱得上 美滿甲天下
但霎眼 全街的單位 快要住滿烏鴉
好景不會每日常在
天梯不可只往上爬


愛的人 沒有一生一世嗎
大概不需要害怕

忘掉愛過的他
當初的囍帖金箔印着那位他
裱起婚紗照那道牆
及一切美麗舊年華 明日同步拆下

忘掉有過的家
小餐枱、沙發、雪櫃及兩份紅茶
溫馨的光境不過借出 到期拿回嗎
等不到下一代 是嗎」

IU用粵語唱哂成首謝安琪嘅《囍帖街》，唱完之後全場一齊歡呼、拍手。我都好佩服IU，特登為我地香港歌迷學唱呢首歌。雖然發音有少少位差啲，不過我都會比一百二十分佢。



到完場之後，Winnie好似好攰咁，我太專注睇同聽IU唱歌都冇乜留意身邊嘅Winnie。

「你頭先瞓着咗？」我問Winnie。

「冇阿。」Winnie回應。

「咁走囉。」

我地番到屯門已經十一點半，不過晚飯都未食。

「去食埋宵夜先番屋企囉？」我問Winnie。

「好呀，去大姆指？」

「嗯。」

我地入到去坐咗喺旁邊一張卡位度。點完餐之後，我周圍望吓，竟然比我見倒...







第一次同妳出街出成日，有一種好奇妙嘅感覺。