《毒L和初戀相識的日子》: 第四十二章 宵夜

第四十二章 宵夜

我地入到去坐咗喺旁邊一張卡位度。點完餐之後，我周圍望吓，竟然比我見倒兩個好熟面口嘅人喺遠處嘅一張卡位。而佢地好似係學生會主席David同佢女朋友Zoe。

「你睇吓戈度。」我同Winnie講。

「咦，Zoe喎。」Winnie驚訝地回應。

「過唔過去打聲招呼？」我問。



「唔喇，唔好阻住人地拍拖啦。我Whatsapp佢得喇。」

Winnie send咗Whatsapp之後，Zoe同David都有向我地呢邊揮手打招呼。

「又會咁啱嘅。」我話。

「Zoe都係住附近嘛，我地中學戈時已經好熟。」

「係喎，你地係中學同學兼好好朋友。」



「乜你咁冇記性㗎，男班長！」

「哈哈。咁佢地點識㗎？」

「乜你咁八掛㗎！佢地喺教會識㗎，佢兩個每星期都係番同一間教會。教會有好多活動，佢地都一齊參與。之後熟落咗David咪主動追Zoe囉。而Zoe都對David有好感，咁佢兩個咪開始咗。一齊咗已經一年喇。」

「哦，原來係咁。」

此時，嘢食已經到喇。



「食嘢啦，男班長！」

到我地食完之後，我地就行番屋企，路程大約兩分鐘。

「頭先IU個show你覺得點？」Winnie問我。

「好精彩呀！最深刻係IU竟然唱《囍帖街》，唱得好好。」我回應。

「嗯，我都覺得好好聽，大家啲反應都好好。有一part啲人跟住IU唱，不過我唔識韓文冇得跟。」

「我都唔識韓文啦~」

我地到咗地下大堂。

「咁聽日見喇，男班長。八點半地下等。」Winnie入lift之前同我講。



「好啦。」我回應。

我番到上屋企，沖完涼就瞓上床睇吓電話。我睇睇吓就開咗ig，發覺Winnie又po咗一張相，內容是咁的......








精彩嘅一日。