《毒L和初戀相識的日子》: 第四十七章 危機

第四十七章 危機

我登上一部紅色的士，約二十分鐘就到達葵芳戈間Party room個樓下，而我一落車就見倒Jenny。

「Jenny，發生咩事？」我問。

「一路行一路講啦。」Jenny回應。

「Winnie玩遊戲輸咗要飲酒，飲到好醉。之後有個狗公想帶走佢。David同阿俊即刻阻止佢，之後阿俊鬧佢，話Winnie有男朋友接，洗鬼佢接。之後就即刻打比你。」



「咁Winnie依家點？」我緊張地問。

「依家阿俊同Zoe喺上面睇住Winnie，你放心啦已經冇事。只要你送Winnie番屋企就得。」Jenny回應。

喺搭Lift戈時，我諗番起之前聽過一個故事，係關於台灣一對情侶嘅。個女仔參加學校活動落club，問準咗個男仔。之後個男仔提醒個女仔唔好亂飲嘢。到咗戈日，當個女仔想叫個男仔接佢走，就發現個男仔一直喺間club出面等。呢種行為令到個女仔好感動。

Jenny帶我上到去，我見倒個飲到瞓咗喺度，冇乜反應嘅Winnie。

「你就係Winnie男朋友？靠你送Winnie番去喇。」Zoe同我講。



「好，交比我啦。」

我都唔想再解釋。

我同Jenny扶住Winnie落樓下截的士，Zoe就幫手拎Winnie個袋。雖然Winnie身形都算偏瘦，不過佢都有一定重量。

「Winnie靠你照顧喇。」Zoe同我講。

「嗯，冇問題。」我回應。



我同Winnie上咗的士之後，Winnie都係冇乜反應。佢挨咗喺我身邊，塊面紅哂。究竟飲咗幾多先會咁......

搭車中途，Winnie放喺袋入面嘅電話響咗一響同埋着咗mon。我一睇，原來係Winnie阿媽。

阿媽傳送了一個信息。
「泳琪，我同你老豆今晚都唔喺屋企。我去你阿姨度住幾日，你老豆我唔知佢去邊。枱面放咗錢比你。」(23:02)

於是，我決定帶Winnie上我度。一嚟唔想未問準人就入人屋企，二嚟係廢事比d鄰居見倒。

落的士之後，我扶住Winnie一步一步慢慢行番屋企。Winnie有少少反應，不過都係唔清醒嘅。我地上到去我屋企，我老母已經瞓咗喇，於是我扶咗Winnie去我間房。

我扶佢喺張床瞓喺度，成間房佈滿一大陣酒味。佢好迷迷糊糊，我幫佢冚好被就行出間房喇。

之後我沖個涼，就瞓喺廳戈張梳化。我老母見倒我瞓廳，之後我同佢講咗成件事，而佢都好開通，仲話會識做㗎喇。



到半夜，我喺梳化瞓唔着，所以我入房睇吓Winnie。佢都係唔清醒。當我想出番廳瞓戈時，佢好似開口講咗啲嘢。








幸好，妳冇事。