《毒L和初戀相識的日子》: 第五十二章 美好回憶

第五十二章 美好回憶

我一入屋就趕去電腦枱，睇吓Winnie放咗啲咩比我。我一揭開張滑鼠墊，就見倒一張相同一張紙條。

張相過咗膠，原來係上次去摩天輪我同佢一齊影嘅合照。

而張紙條就寫住:

Joseph，好好keep住張相，我地一人一張。
美好嘅回憶係要紀錄低~

Winnie

我睇完就即刻放咗張相入一個相架度。

佢特登整張相比我，唔知代表啲咩呢。

到星期一，上晝係梁sir堂。我同Winnie番到I大，入到課室就見倒Jenny同阿俊。

「戈日你送咗Winnie番去喇嘛？」阿俊問。



「係阿，送咗喇。」我回應。

「睇實啲Winnie啦，Joesph！」Jenny答嘴。

「嗯，收倒！」

Winnie就喺度微笑。

到下畫係倒數兩堂嘅全人堂，而呢堂衝出班房，去到Gym房玩下跑步機、度高同磅重。當然男仔同女仔係分開玩嘅。我同阿俊，阿Paul一齊傾計。



「你同晴睛搞成點？」阿俊問阿Paul。

「冇事喇。上星期五番去同佢道咗歉，佢就原諒咗我。」阿Paul鬆一口氣地講。

「咁咪好。」我回應。

「係呢，下個星期日去塔門，晴晴話想野餐，每個人整一樣嘢食帶去阿。」阿Paul對我地講。

「好阿，可以試吓大家嘅廚藝。」阿俊回應。

「係囉，又可以食得健康啲。」我回應。

其實我都唔知整啲咩去。

終於到我地玩跑步機喇。由於我平時都有跑開步，所以對我嚟講係easy job. 而阿俊都好輕鬆，至於阿Paul就有啲吃力。



到落堂之後，Winnie要去荃灣幫人補習，而我就自己番去。

同平時一樣，番到去都會開電腦打吓機。依家電腦枱多咗張同Winnie嘅合照，搞到我打打吓機都會望吓張相。







回憶，的確要好好保存。