《毒L和初戀相識的日子》: 第六十章 驚喜

第六十章 驚喜

話咁快已經到咗十二月一號喇，今日係星期二，亦都係Miss Chan呢科嘅最後一堂。

呢段時間同Winnie都係keep住咁，可以話係同佢有啲暖昧。

番到I大，Zoe嚟咗搵David，順便搵咗Winnie傾計，而我就自己上咗課室。

上到去，就見倒阿Paul、晴晴、阿俊、Jenny、家怡同Chirsty喺度討論緊啲嘢。



「Winnie下個星期生日喇，你有冇諗住點同人慶祝？」阿俊問我。

「吓，er......」我吞吐地講。

「屯門戈間party room，你仲未book㗎？」晴晴好不滿咁同我講。

大獲喇，我完全冇咗件事添。諗住遲啲訂，拖吓拖吓就唔記得咗。

「我依家即刻book。」我對大家講。



各人都喺度擰頭。而我就即刻打電話去book。

「Book好喇，下晝三點玩到十一點。」我對大家講。

「你book咗幾多位呀？」阿Paul問我。

「十個嘛，我地依家七個，再加Winnie、Zoe同David。」我回應。

「咁你到時識做啦。」晴晴同我講。



我尷尬地點點頭。

「個party room有咩玩㗎？」家怡問。

「唱K、打牌、Boardgame等等啦，同埋有得BBQ。」我回應。

「到時仲會有一個特別環節添。」阿Paul奸笑地對住我講。

「咩環節呀？」Chirsty好奇地問。

「到時大家就會知㗎喇。係呢，咁你地諗唔諗住送禮物比Winnie？」晴晴同大家講。

「會呀，我同阿俊會送一份。」Jenny回應。

「我都會。」Chirsty同家怡回應。



「我同阿Paul都會送一份。咁你呢，Joseph？」晴晴問我。

「放心啦，我早有準備。」我回應。

條頸巾幾經辛苦，喺上個禮拜已經織完喇。不過織得比較樣衰。

「你送咩比人呀？」阿俊問我。

你地班友咁口疏，我緊係唔會講住啦。

「到時咪知囉，我想比個驚喜佢。」我回應。

呢個時候Miss Chan入咗嚟，而我地就搵個位坐低。








唔知Winnie中唔中意份禮物呢....？