《毒L和初戀相識的日子》: 第五十九章 請教

第五十九章 請教

去完塔門之後，我番到去就已經訓死咗，到醒番已經係第二朝。

全人堂上哂，代表已經接近sem尾喇，亦都代表啲Assignment、Group project等住我地。

今日係星期一，我同Winnie都決定走堂。Winnie就因為屋企有事，而我就純粹因為懶。

我留咗喺屋企打機，打到中途又唔覺意望倒放咗喺電腦枱，同Winnie嘅合照。跟住我開始沉思。



其實同Winnie都已經識咗兩個幾月，夠竟係咪時候去同佢表白？

自己又冇拍拖經驗，呢件事堅難搞。

一味得自己喺度諗冇用嘅，所以我決定約阿Paul同晴晴出嚟問佢地意見，請教吓佢地，而咁啱佢地都得閒。

我約咗佢地下晝三點喺大埔墟附近嘅一間cafe食個tea，揀呢度係因為近番佢地屋企。

我點半出門，搭44小巴去上水再轉火車，再行去，到戈時係大約兩點十。



我入到cafe，見倒晴晴同阿Paul已經坐咗喺度。

「Joseph哥，今日做咩同人地一齊走堂呀？」阿Paul一嚟就問啲咁嘅野。

「我就因為攰，Winnie就因為屋企有事，我地冇夾埋㗎。」我如實地講。

「咁你約我地出嚟有咩想傾？」晴晴問。

「你等我叫杯嘢先。」我回答。



我叫咗杯Mocha，再同佢地繼續傾。

「我想問你地啲感情嘢。」我同佢地講。

「點阿，你同Winnie仲係咁呀？」晴晴有啲唔耐煩地講。

「就係唔知點做好，所以先想問你地。」我回應。

「如果你想同Winnie喺埋一齊，我建議你表白。不過，要搵啱timing。」晴晴認真地回應。

「係呀，例如冇理由喺㗎巴士上面表白㗎，要搵個合適嘅場合同氣氛先好去做。」阿Paul補充。

「拿，我諗倒個辦法幫你，得唔得要睇你自己。」晴晴同我講。

究竟係咩方法呢？









搵啱timing，真係好重要。