《毒L和初戀相識的日子》: 第七十六章 突然之約

第七十六章 突然之約

今日係新學期開始嘅前一日，我冇出街留咗喺屋企。我回想番早幾日同Winnie佢地去長洲嘅開心嘢。

「原來第一次做戈樣嘢係會有咁嘅感覺...」我心想。

---開sem前四日---

今次長洲嘅旅行可以話係約得非常之突然。



是咁的，喺開sem前四日，晴晴突然約我地去長洲玩兩日一夜。由於太突然嘅關係，所以最後出席嘅除咗我只有阿Paul、晴睛、阿俊、Jenny同埋Winnie，總共六個人。

我地約咗朝早十二點喺中環碼頭等，搭慢船入長洲。

當然我同Winnie約咗朝早十點十五分喺樓下等，再一齊搭巴士出去。

「晴晴今次又會約得咁突然嘅~」我驚訝地講。

「可能佢想見我地多啲掛~」Winnie回應。



「可能啦。」

Winnie拎咗一個背囊，而我都係。

「妳帶咗啲咩去呀~？」

「咩都有啲啦~ 咁你呢？」

「都係日用品戈啲~」



「係呢，你有冇去過長洲？」

「有阿，中學放長假戈陣同過幾個朋友嚟玩，即日來回。」

「有咩玩㗎~？」

「好多嘢玩~ 我地掃街啦，戈度有好多街頭小食，最出名就係長洲大魚蛋。之後我地租咗單車踩，仲有行咗去張保仔洞囉~」

「咁多嘢玩嘅~」

「咁妳呢，有冇去過呀？」

「細個戈時跟過屋企人去睇搶包山，不過已經冇乜印象喇，之後都冇再去過~」

「咁今次玩盡佢啦~ 當係開sem之前放鬆吓自己~」



「嗯，你都係呀~」


落車之後，我地行到去中環五號碼頭，已經見倒佢地四個到咗。




十分奇待今次嘅長洲之旅。