第七十七章 坐船

「我地去排隊搭船囉~」晴晴對大家講。

「嗯~」眾人回應。

今日排隊搭船入長洲嘅人唔算多,我地好快就上咗船喇。

我地六個坐咗其中一排「普通位」,坐低之後唔洗好耐就開船喇。



「你地有冇人會暈船浪㗎?」晴晴問大家。

大家都搖頭。

「咁都好啲~」晴晴講。

喺大約一粒鐘嘅船程入面,大家都幾乎做緊同一樣嘢,就係補眠喇。

至於我就合埋眼小睡咗一陣,不過始終都係瞓唔着,因為完全唔慣喺隻船入面瞓。



喺我睜番大隻眼戈時,坐我隔離嘅Winnie戴住耳機,同埋望住船外嘅景色。不過,佢嘅表情令我覺得佢好似有啲心事。希望係我諗多咗啦。

到咗長洲之後,大家都起身落船喇。時間係一點幾,我地企咗喺碼頭入口旁邊。

人來人往嘅街道,一幢幢矮小嘅建築,同市區比相差好遠。向左望就已經見倒間老麥喇,而向右望就見倒一間間小店。有人踩住單車,亦有人急速咁行,非常熱鬧。

雖然呢度冇塔門咁寧靜,不過條路冇咗汽車,空氣都好似清新啲。

「不如食少少嘢先?」阿Paul問大家。



「好呀,掃街先啦~」阿俊回應。

「都得呀~」Jenny回應。

「嗯~」Winnie點頭。

「ok阿,橫掂未夠鐘交房比我地。」晴晴回應。

今次嘅住宿係晴晴上網book嘅。

「係喎,晴晴你book咗邊度,同埋book咗幾多間房呀~?」我問。

「做咩呀~?你想同Winnie一間房阿~?」晴晴諷刺咁問。

「哦~ 你曳曳喇~」阿俊向我講。



「Joseph哥,你咁快就想同人地......」阿Paul講。

「頂你,你地唔好又亂講啦。」我打斷咗阿Paul嘅說話。

Winnie喺度偷笑。

「我上網Book咗東堤戈邊,至於book咗幾多間房,一陣你咪知囉~」晴晴講。

我無奈地點頭。

「咁我地行呢邊去睇下有咩啱食咯~」Jenny講。

我地向住碼頭右邊嘅方向行,準備去掃街。









又再嚟到熟悉嘅長洲。
已有 0 人追稿