第八十七章 購物

「妳想帶我去邊呀~?」我問Winnie。

「你跟住我咪知囉,男班長~」Winnie回應。

我同Winnie離開I大,再次行到去沙田火車站。

「妳唔係想搭車番入去掛?定係,妳想帶我去妳屋企呀~?」



Winnie突然一拳打咗落我膊頭度,令到我有少少痛,不過好快就冇事喇。

「你地啲男仔淨係識諗埋呢啲嘢。唔係番去呀,你跟住我啦。」

Winnie捉住我隻手,沿巴士總站旁邊嘅斜路一直行落去。原來,佢係想帶我嚟IKEA。

「我要幫屋企人買樣嘢呀。之後我地順便食埋飯先番去啦,好唔好呀,男班長~?」

「見係妳,好啦。」我回應。



我地搭電梯上去IKEA,一路行見倒有好多傢俬同埋一啲家庭用品。另外,亦都分別見倒有一兩對情侶坐喺床上面傾計。

「妳究竟想買咩㗎~?」我問Winnie。

「我想買個除塵轆,牌子B字頭嘅。」Winnie回應。

「係咪戈個呀~?」我指向一個貨籃。

「係呀~ 好勁喎你~」



我地比錢之後,就行去IKEA餐廳。幸運嘅係我地竟然搵倒位。

「妳想食咩呀?我出去叫~」

「十粒肉丸、雞翼四隻、一份三文魚意粉同埋芝士餅吖,我地share食好唔好~?」Winnie望完出面嘅餐牌之後同我講。

「好阿。」

一個有主見嘅女朋友,對我嚟講就緊係覺得好好啦。

「妳之前嚟過未呀~?」我問Winnie。

「嚟過啦,中學戈時同Zoe佢地~ 咁你呢?」Winnie回應。

「我同我表哥舊年都嚟過一次~」我回應。



「原來係咁~ 我地番咗差唔多半年I大都未嚟過添~」

「呢個位距離I大都幾遠吓~」

「咁又係嘅~」

食物嘅味道我覺得都算可以嘅,五分都可以比倒三分半啦。另外,呢度嘅環境亦都好適合啲情侣嚟,唯一缺點係間餐廳實在太多人喇。

食完之後,我地就搭車番去,亦都代表sem two不知不覺咁已經過咗兩個星期。









可以同中意嘅人一齊去買嘢,已經係一件好開心嘅事。
已有 0 人追稿